الجزء الرابع والعشرين
غاده بالمره مرتبكه :يالله أجل انا أستأذن
ثامر بعفويه :وين؟
غاده استغربت سؤاله :بروح لشروق ..أكيد انها تناديني
وعلى طول طلعت
وأول ما طلعت من المجلس اسندت راسها على الجدار وتنهدت : الله لا يحرمني منك
لاحظت نفسها "أنا ليش ..ليش أفكر فيك يا ثامر !! ليش مو قادره أشيلك من بالي !! أكيد انه عايش حياته مع نوف وناسيني ...بس يا غاده نظراته لك فيها سر !!....لا لا هو يطالعني عادي ..أنا شكلي أتوهم ! (مسكت قلبها)ليش قلبي يدق كل ما جابوا طاريك "
في هالوقت رن جوالها
المتصل_ مها _
غاده بهدوء: هلا مها
مها ببرود: اهلين ..وينكم فيه؟!
غاده : توني طلعت من المجلس!
مها: طيب ..انا توني دخلت البيت ما لقيتكم؟!
غاده بالمره متضايقه : مها..خلاص يالله باي !
مها : الو غاده وينك؟!
غاده من غير نفس : يالله باي
وسكرت في وجهها
مها تطالع الشاشه : يالله وش فيها نفسيتها اليوم!(طالعت البيت الكبير اللي قدامها)والحين وين بلقاهم فيه !
مها تكلم سواقها : كومار خلاص وقف هنا !
كومار : تيب ..أنا كلاس روح بيت
مها اخلاقها قافله معها : روح عساك ما ترد
كومار: ايس كلام !
مها فتحت الباب :يالله انقلع
طلعت سيارتها بره البيت
مها ماسكه شنطتها بيد ومعاها شنطه أكبر منها عشان بتنام عند شروق في يدها الثانيه ومعها جوالها
مها تتافأف : بدق على شروق ..والشكوى لله مع اني أحسها مو فاضيه لي
طالعت جوالها الا ويصير low battary وطفى عليها
مها :اوووووه
شافت ملحق بره ومفتوح بابه وشكله ما فيه أحد ودخلت
طالعت الملحق :يالله وش كبره !! كبر بيتنا !مشالله
حطت أغراضها عند الباب وأول ما دخلت فسخت العبايه ورمتها على الكنبه وراحت تستكشف المكان بما انو الديكور يختلف عن البيت بشكل كبير !! لأنو البيت كلاسيكي والملحق modern
مها خلاص كرهت حياتها : بجد ناس عايشه ..مو مثلي يا حظي
طالعت الدرج الخشبي اللي يرقي لصاله مرتفعه مو دون أسياب
طالعت يمين لقت تلفزيون وطالعت يسار لقت تلفزيون وطالعت قدام لقت تلفزيون ورقيت فوق للصاله المرتفعه لقت تلفزيون !!
مها : الله كل هذا في الملحق ...وحنا تلفزيونين في بيتنا كله !!
طالعت اللوح اللي على الجدار شكلها بالمره غريب وحلو ...صارت تدقق في كل رسمه !
مها وهي تقرب من اللوحه تبي تشوف مين الرسام ولقت توقيع بأسم (تركي)
مها : وااااي مره يجنن ..أكيد مشهور هالرسام !! لازم أقول لأبوي عليه
وفجأه الأرضيه الخشب اللي تحتها صارت تدور!!
مها متفاجأه"في بيت متحرك أنا "بالمره انبسطت على الملحق :بجد خيال
دخلت لصاله كبيره فيها بولينج وطاوله بلياردو وفريره وبار وhouse cinama
طيرت عيونها أكثر وأكثر :مشالله بجد ناس عايشين
وفجأه ضحكت ضحكه عاليه
مها تضحك على حالها :ههههههههههههههههههه ههههههههههه كأني مو شايفه خير هههههه والله حالتي صعبه
لقت قدامها باب رئيسي كبير "استغربت " والفضول ذبحها تبي تعرف ايش جوا الغرفه !؟
فتحت الباب بشويش وشافت مجلس كبير مره وفي أخره مكتب وتلفون
أول ما شافت التلفون توجهت له
طيرت عيونها "وش هذا التلفون الغريب ": الحين كيف راح استعمله!؟وما اعرف التحويله!
مها بعفويه : خليني أجرب
وصارت تضغط وتخربط وتدقدق والمجلس اللي هيّ فيه ظلام بس منور من نور الشمس
............................
كان نايم في المجلس ومو حاس بأي شي لين ما سمع صوت التلفون وصوت وحده تكلم نفسها
تركي وهو راقد على الكنبه في أول المجلس "أنا وين ؟!"
رفع راسه وتثاوب وصار يشوف ظل وحده في أخر المجلس تدقدق في التلفون وتضحك زي الهبله!
توجهلها يبي يشوف مين هذي اللي قطعت عليه نومته
تركي والبنت معطيته ظهرها : مين !!
مها فز قلبها بسرعه وارتاعت تحسبه واحد من العمال وصارت تصارخ : آآآآآآآآآآآآآآآآآآآآآ يماآآآآآ
تركي ما استوعب" مين هذي "وصار يصارخ معها يحسبها جنيه !!: آآآآآآآآآآآآآآآآآآآآآآآآآآآ
مها ورا المكتب وماسكه سماعت التلفون على بالها بتدافع عن نفسها فيها "ماهي شايفه قدامها ملامح الرجال على بالها واحد من العمال " وصارت تكلمه على اساس انه عامل: ابعد ابعد روح روح والا انا كلام ماما !!
تركي وهو يفتح أنوار المجلس غمض عيونه من قوّه النور : يما بسم الله الرحمن الرحيم........(فتح عيونه وسكت)
مها احمرت خدودها "هذا واحد سعودي لابس ثوب!!!"مها وهي ترتجف : انت مين !!
تركي متنح على الأخر : انتي اللي مين !
وقرب تركي باتجاه المكتب على اساس يستفسر ! مها ترجع على ورى : أقولك ابعد ولا تقرب أحسن لك!
تركي جلس يضحك ومبسوط عليها :هههههههه
مها وجهها أحمر " وش فيه يطالعني كذا ويضحك ..مين هذا" : ما قلت شي يضحك ...يالله يالله أطلع ...والا أقولك انت مين!!
تركي بضحكته المعتاده : هههههههههه انا تركي
مها خقت على ضحكته "يا حلوه يا ناس" ارتبكت بالمره ما اسوعبت انو هذا اخو شروق: تركي مين !! باللهي
تركي بجديه: انتي مين!
مها كانت تطالع عيونه وأول ما كلمها بجديه ارتبكت وصارت تطالع الأرض:مم مم مها
تركي يبتسم: صاحبه شروق؟!!
مها : اي
تركي بنفس الأبتسامه حط ايده على خصره : طيب وش جابك هنا !
مها طلعت من ورا المكتب تبي تطلع من باب المجلس الكبير وهي مرتبكه وحاطه ايدها على اذنها تدور حكي!!
مها "وش اقولك الحين ...جابتني هنا اللقافه !!"
تركي: وين رايحه!!
مها وقفت ورفعت راسها وحطت عيونها بعيونه : دخلت هنا بالغلط.....أعتقد ما سويت جريمه!!
تركي: لا لا ما بتطلعين لين ما تقولين لي ..وش تسوين هنا!
مها " وش يبي هذا " : قلتلك دخلت بالغلط
تركي: اها..(وجلس يطالعها من فوق لتحت )
مها "سكت لك كثير وانت تطالعني " وترفع يديها: هي هي هي هي(رفع تركي عيونه لها) انت وين تطالع؟؟؟
تركي يضحك : أغمض عيوني يعني!
مها : والله المفروض...هذا اذا انت تستحيّ
تركي يبي يجاريها بجرأتها : والله انا مثلك غاسل وجهي بمرق
مها اترفزت منه وولعت "صدق تافه وحقير ...الشرهه علي أنا والله لو انه مو عزا ابوك كان وريتك شغلك"والشرارت صارت تطاير من عيونها
تركي :هههههه انتبهي لا تحترقين وتحرقينا معاك
مها والغاز يطلع من خشمها وفمها وعيونها شرار :شغلك عندي بعدين
جت بتطلع
طلع وراها من المجلس
صار يطالعها وهي معصبه ويضحك "هههههههه تونس يا حليلها "
تركي يطالعها تفحط قدامه مو عارفه من وين تطلع ووين الطريق
مها مو عارفه من وين تتوجه ومن وين تطلع !! اتربكت واختبصت من اللي صار ..خصوصا انه الحين متسند على الباب ويطالعها بذيك العيون والأبتسامه اللي سحرتها ...."من زين عيونك يا وجه التيس "
تركي رحم حالها ومستانس بالحيل عليها: يمين يمين !!
مها طالعته وهي معصبه : أدري ما يحتاج تقولي
طلعت يمين وشافت الباب حق الملحق قدامها وأغراضها كمان
تركي جالس يطالعها وهي تشيل الأكياس "حالتها تضحك " ما قدر يستحمل أكثر وضحك: هههههههههههههههههه
مها فتحت الباب وطلعت "طاح وجهي عندك يا تركي ....لكن وربي حوريك ...والله لو انو مو عزى الوالد كان وريتك ,,آآآآآآآخ ميته من القهر ...منك !! اوووووف سخيف ماصل ...ثقيل دم ....وووووووووووع ما تنبلع !!"
تركي وهو متسند على الجدار حق باب الملحق ويطالعها تتوجه لداخل الفيلا وكل شوي تلف عليه "يا خف دمها يا ناس..."
..............
مها مولعه بالمره منه وكل مره تلف لورى تشوفه جالس يطالعها ويضحك ويوزع ابتسامات :صدق تافه !!
.........
تركي يطالعها وهي تتلفت عليه : أكيد خاقه علي ...هههههههههه ما ألومها والله ...ههههههه
"لكن هي كمان تجنن "
.................................................. ...
داخل الفيلا
غاده تكلم تريزا بالتلفون : تريزا the break fast pleas bring
توجهت لأم ثامر طالعتها بحنيه :خالتي ...الله يخليك عشاني لازم تاكلين
نوره : مالي خلق حبيبتي
غاده مسكت ايدها :خالتي الله يعافيكي ...عشان شروق ...اذا هي شافتك ما تاكلين ما حتاكل
نوره: خلاص حبيبتي ..ولا يهمك..
توجه غاده لها وحبتها على راسها
نوره ابتسمت لها : الله يوفقك يا بنتي
غاده ابتسمت :آمين يا خالتي ويأك..أنا بطلع انادي شروق
في هالوقت دخلت مها
غاده : مها جيتي !
مها طالعت ام ثامر اللي بعيده "وبصوت واطي وهي تسلم على غاده" : بدري يا شيخه ..ليش تسكرين بوجهي..
غاده: تعالي فوق بقولك على كل شي
مها تضربها على يدها بخفه : شغلك عندي بعدين
غاده : يالله روحي سلمي على خالتي وتعالي فوق
مها : لا لا انتظريني
راحت مها لأم ثامر
وحبتها على راسها : وشلونك خالتي
ام ثامر: الحمدلله على كل حال ..اخبارك حبيبتي؟
مها طالعتها وانكسر قلبها عليها: بخير يا خالتي .. نحمده
ام ثامر ابتسمت : يالله حياتي ...روحي لشروق
مها : اوكي خالتي ..
رقيو مها وغاده لعند شروق وهم في الطريق
غاده : وش فيك ساكته
مها : ها ...لا أبد ولا شي
غاده :وش فيه وجهك مصفوق
مها : وفي أحد يشوفه وما ينصفق وجهه!
غاده تضحك عليها : ههههه مين هذا ؟
مها : تركي الخرطه !
غاده طالعتها وسحبتها عشان يجلسون في الكراسي : تعالي احكي لي ايش صار!!
مها وهي تجلس على الكرسي: اف اف اف اف اف منه !! واقف لي هنا في بلعومي
غاده تضحك على تشبيهات مها : هههههههه احكي يا شيخه حمستيني
وحكت لها السالفه
..........................................
في قصر الدكتور سلمان عبدالله
كانت جالسه بغرفتها تلبس عشان بتروح للعزى !طالعت نفسها في المرايه ومسكت الكدمات : يالله كيف حروح للعزى دحينه!
"بس لازم أروح هذا عزى ابو صاحبتي"
لبست نظاره سودا كبيره وفلتت شعرها عشان تغطي الجروح والكدمات اللي بوجهها
طلعت من الغرفه ونزلت للصاله
شافت مصعب جالس فيها "يالله ايش جابو هدا دحين !! أمر من عندو والا لا ....خلاص راح امر"
ونزلت من الدرج وهي ميته خوف
مصعب وهو يقرا جرايد بحده : فين رايحه !
جيجي بالمره خايفه يضربها زي امس صارت ترتجف: بروح عند شروق
مصعب قام من الكنبه وتوجه لها وبتريقه؟! : من جدك يا حبيبتي!؟اقلك اطلعي فوق ..أحسن ما تشوفين حاجه ما تسرك!
جيجي تقاطعه : بس
مصعب بحده وعصبيه : لا بس ولا حاجه ...ما ابى أشوفك تعتبي برا باب الغرفه مفهوم!!
جمانه طاحت دموعها "لهالدرجه انت مو واثق فيني!":طيب ليش؟!! أنا حروح أعزي مو اتمشى !
شافت امها توها تطلع من غرفتها وتوجهت لها بسرعه : ماما ماما...
ام مصعب: نعم يا حبيبتي
جمانه تبكي: ماما شوفي مصعب ما يخليني أروح عند شروق!
ام مصعب تطالع مصعب بغرابه: ليش ...ايش اللي يخليك تعمل كدا!
مصعب بحده: يا ماما هدي حاجه بيني وبين جمانه ...(بحده) لا تدخلي!
ام مصعب عصبت على طريقته في الكلام معها : اسمع انتا ..مو انت اللي تعلمني أدخل والا لا !! (مسكت ايد جمانه) يالله جيجي امشي معايه
جيجي تمشي ورى أمها: على فين
ام مصعب : حنروح للعزى مع بعض
مصعب: تتحديني يا ماما!!
ام مصعب : انت لا تكلمني ..الا لمن تعدل أسلوبك معايّه فاهم
ام مصعب تلبس عبايتها : يالله جيجي بسرعه أستناكي بالسياره
جيجي تطالع اخوها "مع انه ضربها و اهانها الا انه ما يهون عليها "
ام مصعب بعصبيه : ما تمشي !!
جيجي : اوكي اوكي
وراحت تجيب عبايتها عشان تلبسها
مصعب واقف في مكانه ويطالع امه هو حاس بتأنيب الضمير " ليش اكلمك يا أمي بهالطريقه ...بس انا ما ابي أقولك..عن جمانه ..ما ابي اطيحها من عينك يكفي انا و بابا ..ما أبي أزيد همك يا أمي ..يا أمي آسف صدقيني "
مصعب بقلب كله حنيه وهو حاس بتأنيب الضمير توجه لأمه وباسها على راسها ويديها : آسف يا أمي حقك عليّ
أم مصعب حنت لولدها : خلاص حبيبي ما تكدر يومك علشاني
مصعب ما يبي يقولها عن جمانه ويبي يبرر أفعاله: والله يا أمي ,,,ما أدري ايش صاير فيني دي الأيام..
أم مصعب : هدي حبيبي ..وشوي شوي على أختك تراها تحبك وتموت فيك..
مصعب أستغرب (أمه تدري عن السالفه والا لا )" لا يكون بابا قالك حاجه عن جيجي ": ماما بابا قالك حاجه!!
أم مصعب هزّت راسها : شوف حبيبي أبوك ما يخبي عليّ حاجه ...وكل حاجه أنا عارفاها ...وأعرف انو جيجي ما تعمل كدا!
مصعب : بس يا أمي أنا سمعته وهوّ بيقول جيجي وبيكلمها!
أم مصعب شافت جيجي وهي تنزل من الدرج: لي كلام تاني معاك لمن اجي
جيجي تمشي بشويش وهي متجه لأمها و مصعب " لا يكون يا مصعب قلت لماما حاجه لا تكون !!"
أم مصعب تتصنع الدهشه : ما قولتيلي ايش عمل في وجهك كدا!(وتطالع مصعب)
جيجي أرتبكت وصارت تطالع مصعب : امممم طحت ...طحت من الدرج
أم مصعب تطالع مصعب بابتسامه :بسم الله عليكي يا حبيبتي ..انتبهي مره تاني..
جيجي : انشالله ..(وطلعت للسياره)
أم مصعب : مو قلتلك تموت فيك وما تبي تخرب صورتك قدامي
طلعت ام مصعب وركبت السياره وتوجهوا للعزى
مصعب أستغرب موقف جمانه "ليش ما قالت لماما اني ضربتها واهنتها ليش؟! لو وحده تانيه ..كان عملت مصيبه وقالت لأهلها! أنا واثق فيكي يا جيجي بس من أسمع عنك كلام شي بقلبي يثور ! وما يخليني اتحكم باعصابي!! كل حاجه الا انتي يا جمانه..انتي أختي و احبك..وما اسمح لاي أحد يلعب بيكي!"
.................................................. ...........
