عند الرجال
دخل الدكتور سلمان عبدالله مع مصعب
الدكتور سلمان: عظم الله اجرك يا ولدي
ثامر باين عليه الأرهاق: اجرنا واجرك يا عمي
مصعب: عظم الله أجرك
ثامر: اجرنا وأجرك
مصعب: شد حيلك يا رجال ...راح عند اللي أرحم مني ومنك
ثامر: ونعم بالله
الدكتور سلمان: عظم الله أجرك تركي
تركي ودموعه في عينه عمره ما تخيل انه بيفقد ابوه: اجرنا واجرك عمي
الدكتور : وشلونك يا ابويه انشالله طيب!
تركي: الحمدلله
مصعب: عظم الله أجرك الله يرحمه
تركي: اجرنا واجرك
حظن مصعب تركي
وجلس تركي يبكي في حظنه
تركي يأن
مصعب: ترحم عليه يا اخوي البقاء لله
وخر تركي عنه ومسح دموعه: الله يرحمه
في هالوقت دخل الشيخ ابو بندر ومعاه عياله بندر ونايف وماجد وسلطان
طاحت عيون مصعب على سلطان
مصعب : النذل وش جابه هنا؟!
فيصل يهمس له: وش فيك ؟
مصعب: شوف مين يسلم على ثامر
فيصل طالع سلطان: يا اخي حنا بعزى
سكت مصعب وطلع بره في الحديقه
دق على جيجي
ردت جيجي وصوتها بكي
جيجي: الو
مصعب: جيجي شروق عندك؟!
جيجي تطالع شروق اللي لاهيه في نفسها
جيجي: ايوا
مصعب مشتاق لها وده يشوفها يبي يكون بجمبها هاللحظات
مصعب: وشلونها الحين؟!
جمانه تتنهد: ما تسر لا عدو ولا صديق
مصعب بخوف ولهفه: جمانه ابي اشوفها
جيجي حاسه باخوها
جمانه : اوكي انت انزل للبيسمنت وحنا نجيك
دخلت جمانه للصاله اللي فيها شروق وسحبتها من يدها
شروق: جمانه وش فيك؟
جمانه : اسكتي وتعالي معاي
سحبتها للبيسمنت
شروق ابدا ماهي رايقه لجمانه: جمانه بتقولين والا شلون
جمانه: انتي اسكتي وبعرفين كل حاجه
شروق: جمانه ماني رايق لك
مصعب من وراها : وانا رايقه لي
لفت بسرعه وشافته قدامها اشتاقت له بالمره اشتاقت لوقفته معها وخصوصا في هالظروف 4 شهور ما شافته
شروق اجتمعت الدموع في عينها : مصعب
مصعب جلس يطالع حبيبته قدام عيونه وش كثر تغيرت نحفت مره وصار وجهها بالمره تعبان
فتح يديه لها
هي ما صدقت وعلى طول حظنته
كان يتمنى يشوفها في غير هالظروف
ابتسمت جيجي لهم وسكرت الباب وراها وطلعت فوق
شروق تبكي في حضنه : آآآه يا مصعب وينك وينك ما جيت ! آآآ ليش تأخرت آآآآه
مصعب كان جالس يهديها باسها على راسها : بس حبيبتي بس حياتي
شروق زاد بكاها : آآآآآآآه مصعب ابوي ابوي ,ابوي مات مات ,راح مصعب آآآآ
مصعب : الله يرحمه ,,
شروق تبكي وتبكي امتلى ثوبه بدموعها
بعد دقايق لمن هدت
ابعدها مصعب عنه يبي يشوف وجهها
مصعب بهدوء: شروق
طالعته
مسح دموعها : لا عمرك تبكين
شروق خلاص اجتمعت الدموع في عيونها
مصعب بثبات وهو يطالع عيونها : خليك قويه ..لا يهزك شي ..لا يهزك شي يا شوشو
شروق جت بتتكلم
قاطعها مصعب : الدنيا كذا ..كلنا بنموت ..كلنا ماشين على هالطريق
شروق: بس بابا
مصعب : ابوك مات ..مات يا شروق ..لكنه بقلبك!خليك يحيا بقلبك
شروق كانت تطالع عيونه تبي تستمد هالقوه اللي يحكي عنها منها
مصعب : الدنيا كذا ياما وياما بتفقدين اغلى ما تملكين !! حتى اللي تحبيهم ..بيجي اليوم اللي تفارقيهم او يفارقوك
شروق " الدنيا تاخذ اللي تبيه من الناس الا انت يا مصعب "
شروق حظنته بقوه : الا انت يا مصعب ..لا تفارقني..لا تخليني انت انت (صارت تتأتأ في الكلام تبي تبكي) ما تتخيل كيف مرت الأيام اللي راحوا بدونك! لا تخليني ثاني
مصعب : شششش حياتي انتي ماراح اتركك
شروق تبكي: اوعدني اوعدني ما تخليني
مصعب ابتسم لها: ما بيفرقنا الا الموت
شروق "اشتقت لك "
فجأه رن جوالها ,,,hey lady drpo it down just wanna see you toch the ground
صارت تتطالع في الشاشه مرتبكه " لا لا ابدا مو وقته "
مصعب طالع في عيونها الرعب والخوف من رقم المتصل
مصعب بحيره : وش فيك ما تردين !؟
شروق نبظات قلبها صارت تتخابط من الخوف والرعب تبي تتكلم لكن لسانها انعقد:ام بى ثهب مبهى ين
مصعب زادت حيرته عصب بالمره : وش فيك ...ردي!!!
شروق على نفس حالها : ها اي اي هذا واح واحد مم ز عج ني ؟!مزعجني
مصعب الشكوك صارت تدور براسه " وش فيها هذي " مد يده : عطيني الجوال
مدت له الجوال باستسلام وهي ميته خوف
رد مصعب من دون ما يشوف الرقم وسكت
سلطان : الو جيجي!
مصعب لا رد
يد مصعب صارت تضغط على يد شروق والشرار يتطاير من عيونه شروق بالمره خايفه "الله يستر الله يستر"
وضربات قلبها تزيد وتزيد
سلطان: الو
سلطان: جمانه حياتي
يد مصعب ضغطت على يد شروق بقوه ابدا ما توقع من اخته تعمل كذا !
مصعب ميز الصوت " هذا صوت سلطان ! " طالع الرقم مره ثانيه وتأكد انه هذا هو سلطان
مصعب محمق بالمره : سلطان !
سلطان سكت استغرب مره " هذا مصعب والا انا غلطان !؟" طالع الموجودين داخل الفيلا وما لقى مصعب
سلطان ابتسم بخبث : هلا بمصعب
مصعب عصب لدرجه انه ممكن يقتله: يالحيوان وش بغيت !
سلطان ببرود يبي يقهره وينتقم منه : احترم نفسك يالشريف!؟
مصعب : بتقولي ليش داق والا ما تلوم الا نفسك!
شروق جالسه تطالع مصعب وهو يتكلم تحول من أرنب أليف لأسد متوحش ميته من الخوف
" مصعب وشلون يعرف سلطان ؟! لا يكون سلطان بيقوله عني ؟! لا لا مصعب أكيد بيكرهني !؟ "
سلطان: اقولك وينها جمانه؟!
مصعب: تكلم اختي يالواطي؟!
سلطان يبي ينتقم منه: والله أختك اللي تمشي وراي وين ما رحت!؟ غريبه اختك ماهي زيك يالشريف!؟
مصعب : والله ما تلوم الا نفسك !
سلطان: وش بتسوي يعني!
مصعب ما يقدر يتحمل أكثر خلاص صار اعمى ما يشوف !!
" هذي أخرتك يا جمانه هذي آخره ثقتي فيك ....ولا تكلمين ألد أعدائي ليته اللي سمعته كذب "
الشرار يتطاير من عيونه يبي بس يروح يقتل هالحقير "يشرب يلعب ببنات بكيفه لكن اختي انا لا ...لا يا سلطان "
طلع من البيسمت طاير على فوق
شروق ماهي عارفه ايش صار بينهم ..!!: تعال وين رايح؟!
سفهها وتوجه للحديقه
شافه متوجه لسيارته في باركنج القصر
مصعب الشرار يتطاير من عيونه ما يشوف حوله الا سلطان ...!!
مصعب يصارخ بصوت مرعب : سلطان
لف سلطان للصوت اللي يناديه
وما لقى نفسه الا بين يدين مصعب
مصعب ماسكه من رقبته : لو أذبحك اليوم دمك حلال علي
جسم سلطان بالمره ضخم وقوي وجسم مصعب كمان
سلطان يدفه ومسكه بنفس الطريقه : والله أختك هي اللي جتني ما طقيتها على ايدها
"سلطان عارف انو جيجي مو هي اللي تكلمه عارف انها شروق بس يبي ينتقم من مصعب "
مصعب دفه على السياره تفل بوجهه : ايالحقير يالواطي !!
سلطان بالمره عصب رجف ببطنه : ما غيرك واطي انت واختك
مصعب توجه له وصاروا يتظاربون
الناس اللي سياراتهم في الباركنج طلعوا من العزى واجتمعوا عليهم
مسك مصعب سلطان من رقبته وصار يعطيه بوكسات على بطنه
سلطان الدم كان يصب من وجهه
الرجال ماهم مستوعبين اللي جالس يصير
تدخل بعض الرجال وحاولوا يفكوهم لكن هيكل(أجسامهم) مصعب وسلطان أكبر من انهم يوقفوهم
اتجمعوا الناس عليهم
ثامر وتركي كانوا جوا الفيلا سمعوا أصوات هواش بره وطلعوا بره
شافوا الناس مجتمعه في الباركنج
دخلوا بين الناس وشافوا سلطان ومصعب يتهاوشون والناس تحاول تفك بينهم
تركي: ثامر تعال فكهم
توجه ثامر وتركي لهم وحاولو يفكوهم
مصعب يقاوم يبي يضربه: اتركني يا ثامر اتركني
ثامر: يا ابن الحلال حنى بعزى
سلطان ماسكه تركي ومره متحمس انه يضرب مصعب تفل عليه: يالكلب
مصعب : والله لو تسويها ما تلوم الا نفسك
ثامر يكلم سلطان من غير نفس: يا ابن الحلال اصبر شوي
جوا الحراس والعمال وصاروا يبعدون الناس
طلعوا الناس من القصر
سلطان جالس على الرصيف ياخذ نفس ثوبه امتلئ بالدم ووجهه كله كدمات
جاب تركي لمصعب مويه : يا ابن الحلال وش فيك انت وياه!
ثامر بالمره ما كان رايق لهم هو وين وهم وين
مصعب حس بغلطته وانه كان من المفروض يصبر وما يحول العزى لساحه معركه توجه لثامر
مصعب: آسف يا ثامر ..ما كان قصدي
ثامر : ما عليك
توجه ثامر لداخل البيت ومر من عند سلطان اللي كان يصب دم طالعه باستحقار
ثامر: ما ودك تطلع أظن خلص العزى
سلطان ابتسم بخبث: اذا كان بيت ابوك ذيك الساعه اطردني!
ثامر ما فهم عليه " بيت ابوي"
سلطان طالع ثامر باستحقار من فوق لتحت وتوجه لسيارته
ثامر واقف مصنم في مكانه " وش قصده سلطان"
سلطان فتح الشباك وطالع من فوق لتحت : على فكره ..(بخبث) شوشو تشبه لك
سلطان يوجه كلامه لمصعب : اشوفك يا اخو الشريفه!
وطلع بسرعه
مصعب : يالكلب
تركي مستغرب : وش السالفه!؟
سكت مصعب وما رد عليه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
كانت جالسه في غرفتها و بالمره متوتره تسمع صوت وهواش بره قدام بوابه الرجال
شروق تطق طق في أصابع يديها : الله يستر الله يستر يا ويلي يا ويلي
دخلت جمانه على شروق
جمانه ببرائه: ها الحلو ايش بيفكر فيه!
شروق تطالع جمانه وميته من الخوف
جمانه تطالع توتر شروق: ايش بك!
شروق: جيجي ممكن تطلعين شويه!
جمانه ببرائه : شوشو حبيبتي ايش بك؟!
شروق بالحيل معصبه مو فاضيه ابدا: جيجي بليز
طلعت جمانه بره
مسكت جوالها وطلعت الشريحه سوا وقطعتها ورمتها في الزباله : الله ياخذك
دخلت الشريحه الثانيه ودقت على مصعب
مصعب يرد من غير نفس: الو
شروق متوتره: مصعب...ايش صار؟!
مصعب: ايش صار!! ...هذي آخره ثقتي فيك يا شروق!؟
شروق خلاص بيغمى عليها من الخوف " أكيد عرف اني انا اللي اكلم سلطان أكيد"أنكب على وجهها مويه حاره
مصعب: ليش ما قلتلي لي انو جمانه تكلم سلطان ,,,,ليش ما وقفتيها ...ليش سترتي عليها وما خبرتيني ؟!
شروق ارتاحت بالمره انو ما عرف انها هي اللي تكلم سلطان بس حزنت على جيجي "يالله ايش بتسوي جيجي الحين"
مصعب : ناديها ناديها ...انا بروايك فيها
شروق انقبض قلبها على أعز صاحباتها : لا لا مصعب خليها تنام عندي اليوم
مصعب بحده : اقولك خليها تطلع ...هذي عقب اليوم ما راح تشوف النور!
شروق تبي تهديه : لا لا مصعب هذا ...سلطان يكذب جيجي ما تكلمه صدقني!! صدقني!!
مصعب بصوت مرعب : شروق !! هالكلبه خليها تطلع
شروق يديها صارت ترتجف من الخوف " يالله ما كنت اعرف انك عصبي لهالدرجه!؟"
شروق تبي تتكلم
قاطعها: شووووش لا احط حرتي فيك
شروق خلاص بتبكي هي سبب كل هالمشاكل اللي صارت: طيب اوعدني
مصعب ابدا مو فاضي لها : قوليلها تطلع
شروق وهي تبكي خايفه ومرعوبه من اللي بيصير لصاحبتها المسكينه اللي مالها ذنب: (((صوتها وهي تبكي)))
مصعب حن قلبه عليها :وش فيك!!
شروق: (((تبكي وتشاهق من كثر البكي من الرعب والخوف))
" لو أقولك اني انا اللي كلمت سلطان راح اخسرك للأبد أنا عارفه ...اذا اختك عملت فيها كذا ...انا وش بتعمل فيني ...بس لو ما قلت لك جيجي ...راح أخسرها ...راح أخسرها ..طيب وش بيعرفها اني انا اللي كنت أكلم سلطان ..ما راح تدري...بس ولو ولو احساس اني انا اللي سببت لها هالعذاب بيذبحني ..بس اخوها أحن عليها مني ..مهما كان هذا اخوها بيجي يوم ويسامحها ...
يسامحها ! بس هي ما غلطت عشان يسامحها ! آآآه يا رب ايش اسوي "
شروق : تبكي وتشاهق (في التلفون)
مصعب: ايش بك!
شروق: اوعدني ..اوعدني يا مصعب ما تطقها الله يخليك
مصعب:شلون ما تبيني !!
شروق : وغلاتي عندك ...الله يخليك لا تطقها
مصعب بيأس: بحاول
شروق: مصعب اوعدني
مصعب ساكت
شروق: اوعدني!!
مصعب : وعد يالله ناديها
.................................................. .....................
في مكان ثاني كانت جالسه تكلمه
نوف: ايوا بندر الحين جالسه البس
بندر: مصرّه تروحين !
نوف: بندر لازم اروح ...لازم اجيب البحث للدكتوره
بندر: طيب انا أجيب لك ياه
نوف: بندر..لازم انا اللي أروح ..أجل وش الفايده ادخل الجامعه!
بندر: يا نوفاا هذي الأماكن ما تلصح لك!
نوف: بندر استغفر ربك لا تقول كذا ..مو ذنبهم انولدو معاقين
بندر: طيب اجل بوصلك
نوف: هههه وهو date !! عشان توصلني
بندر: ابد والله ..بس تدرين مره متضايق وطفشان
نوف: طيب اطلع روح اتمشى!
بندر: وين اروح وين اتمشى !! انا خلاص اخلاقي قافله
نوف وهي تطالع نفسها بالمرايه وتحطلها ميك اب: تؤ تؤ تؤ ليش كذا
بندر: اليوم رحت عزيت !
نوف: ومين اللي مات !؟
بندر: الشيخ ابراهيم الــ ..
نوف مصدومه : نعم!!!
بندر: وش فيك؟!
نوف ساكته لا رد " ابو ثامر توفى متى وكيف؟!"
بندر: وش فيك ..نوف؟!
نوف: انت متأكد!!
بندر: ما تقرين جرايد انتي!!
نوف بضيقه صدر: لا حول ولا قوه الا بالله!! ما احد قالي!
بندر: الله يرحمه
نوف ساكته " معقوله ابو شروق مات ...معقوله !! معقوله ثامر ما قالي؟! ايه اصلا صار له أسبوعين ما دق علي!"
بندر : نوف نوف نوف نوف!!
نوف انتبهت له: ها !! وشلون مات؟!
بندر: اتوقع سكته قلبيه او جلطه والله ما اعرف التفاصيل بالظبط
نوف: وانت كيف تعرفه!
بندر متعجب من سؤالها : وهو في أحد ما يعرفه!
نوف : اقصد تعرفه يقرب لك يعني!
بندر: ابد والله ..بس أبوه صاحب ابوي في البزنس
نوف ببلاهه : تعرف عبدالمحسن الـــ....
بندر : اوووووه شكلك تعرفين هوامير البلد!
نوف متحمسه : تعرفه !؟
بندر: الله يرحمه كان برضوا صاحب الشيخ ابراهيم والوالد
بندر: ليش تسألين؟
نوف: ها لا ابد ولا شي!!
بندر: نوف وش دعوى ! مو واثقه
نوف مرتبكه: ها يالله يالله بندر لازم أسكر الحين
بندر يطالع السماعه : وين اللي بوصلها
.................................................. .............