الجزء التاسع عشر
غاده تتخبى ورى جمانه: جمانه هذا هوّ!!
جيجي: طيب ايش فيك تستخبي هههه ماراح ياكلك
مر من عندهم ثامر وهو منزل راسه لكنه كان يختلس النظرات لغاده
جيجي تكلم غاده : شفتي كيف هوّ مأدب ما حيطالعك!
غاده بخوف: جيجي روحي اساليه..مدري شوفي ايش وجهه نظره
جيجي: مو اول تفهميني السالفه!
غاده: جيجي الله يخليك قلبي يعورني ..ما حرتاح الا لمن اعرف ايش قال
جيجي :اوكي دقيقه
قامت جيجي ودخلت الصاله الثانيه اللي عليها باب
سكرت الباب وراها
جيجي تبتسم لأنها شافت بعيون ثامر الرضا
جيجي: ها ثامر ايش اللي صار!
ثامر مبتسم: ايش اللي صار...لك عين انتي واختي تجين تسألوني ايش اللي صار عقب ما سويتي هالمقلب في البنت المسكينه!
جيجي : اشش قصر صوتك لا تسمعك
ثامر: هههه يعني تعترفين انتي وشروق انكم مشتركين بالجريمه !
جيجي تستهبل: والله هذي كلها أفكار اختك انا مالي دخل
ثامر ساكت كان يستعيد الموقف اللي صار
جيجي : ها وين سرحت !
ثامر: ايش اسمها البنت
جيجي "امين امين امين يارب يارب تعجبك" : اسمها غاده....يا عمري عليها جالسه ترجف بالصاله ...تصدق انها كانت تبي تعرف انت وش ماخذ منها موقف!!
ثامر: لا ابد طمنيها ما اخذت منها موقف انا ماخذ منك ومن شروق ...هي مالها ذنب
جيجي خافت على نفسها وعلى شروق: ترى انا وشوش ما سوينا حاجه!
ثامر ابتسم : اوكي طمنيها ...اصلا مبين عليها بنت ناس!
جيجي ابتسمت اكتفت باللي سمعته واكتفت بنظرات ثامر اللي تدل على الأعجاب التام لغاده
جيجي : اوكي يوصل
وطلعت
توجهت لغاده اللي كانت عندها شروق ومها
غاده: شروق يا الزفته كله بسبتك
شروق تضحك : وانا ايش يعرفني انه بيكون موجود
غاده: طيب ليش وصفتي لي الغرفه الغلط !!
شروق تنكر : انا ما قلت لك روحي يمين !! انا قلت لك روحي يسار
غاده : يالنصابه
شروق: ههههههه يمكني لخبطت ...تدرين اني ما ادري يساري من يميني !!
مها تضحك على الموقف : ههههههههه
غاده: ليتك تسكتين ما في شي يضحك!!
مها تهون عليها : عادي غدو ما كنتي تقصدين
غاده: حسيت نفسي مهزله !
جيجي : لا تخافين ...يقولي طمنيها ما صار الا كل الخير
غاده ما تدري ليش دق قلبها لمن سمعت الرساله اللي وصلت لها من جيجي
غاده: وش قالك يعني! قولي لي بالضبط
جيجي: هههههه قالي هدي الحلوه مين !
غاده :هههه يا سخفك قولي الصراحه
جيجي : جد والله قالي مين دي الحلوه !
غاده "جد والله انا حلوه!!" ما تدري ليش تبي تعرف ايش رايه فيها
ثامر من ورا باب الصاله بصوت عالي ينادي شروق
ثامر: شوش شوش
شروق تهمس لجمانه : يا ويلي ! ابنقتل today
جيجي : هههههههه
وراحت شروق لثامر
مها: ايش قالت لك
جيجي: وانتي بس تتليقفين !!
عند ثامر وشروق
اول ما دخلت عليه في الصاله كانت خايفه من رده فعله !
طلت من الباب لقته جالس على الكنبه ويطالعها
شروق ببرائه: ناديتني
ثامر: ادخلي وسكري الباب وراك
دخلت شروق وسكرت الباب وراها من دون ما تناقش
" يالله الله يستر بس"
ثامر : وش اللي سويتيه !
شروق بغباء: نعم!
ثامر: لا تلفين وتدورين .......انتي تعرفين انا احكي عن ايش!
شروق: لا والله ما ادري
ثامر: غاده ...مين دخلها غرفتي
شروق ببرائه: كنا نلعب غميمه وتخبت في غرفتك هذي كل السالفه
ثامر ضحك على اخته: طيب ...وليش غرفتي!
شروق تحرك كتوفها: ما ادري اسألها
ثامر: غدو ...(غلط) اقصد شروق
شروق ابتسمت ابتسامه عريضه "يعني تفكر فيها يا ثامر "
ثامر: ليش تضحكين !
شروق : حبيبي ... خلنا نبعد شوي عن الرسميات اللي بينا !! البنت حلوه والا لا _ غمزت له_هههههه
ثامر قرب منها ومسكها من اذنها: وانتي وايش دخلك
شروق: ايي لا لا بس ابي اسأل
تركها ثامر وابتسم : مشالله عليها قمر
شروق تحمست: جد والله
ثامر يأكد: البنت حلوه ما قلنا شي ...لكن غير نوف ما باخذ
شروق تكدرت بالمره: نوف!! ومين جاب طاريها الحين!
ثامر: شوشو كل اللي تسوينه انا عارفه زين! واذا سمحتي لا تعقدين الأمور اكثر من ماهي معقده
شروق: ثامر افهمني ...نوف
قاطعها ثامر جا بيطلع من الصاله: نوف بتكون زوجتي
شروق تقاطعه: طيب وقلبك!!
وقف ثامر " وقلبي! ايش فيه قلبي؟!"
شروق:مين اللي يبيها قلبك!!
ثامر واقف مكانه " قلبي! مين فيه قلبي!! انا ما عمري سألت نفسي هالسؤال ...مين هي اللي ابيها ؟"
ثامر : شروق ارجوك!
شروق تعلي صوتها لدرجه انو اصواتهم وصلت برا لعند البنات
شروق: انت اللي ارجوك ..ارجوك لا تاخذها لا تاخذ نوف ...ثامر لا تهدم حياتك بيدك !!
ثامر يعلي صوته : انتي ليش ما تبينها !
شروق وصوتها مره عالي: لسبب واحد بس ...وانت تعرفه زينّّ!!
ثامر" لا يكون تعرف ؟!"
تكمل شروق: مو انت اللي قلتلي لا تكلمينها ...ومو انت اللي قلتلي اقطعي علاقتك فيها ...ايش اللي تغير !!
ثامر " ليتني اقدر اقولك يا شروق ...ليتني !!"
شروق : ثامر ارجوك كلمني
ثامر: مع السلامه
وطلع
شروق بصوت عالي: damn
شافوه البنات وهو طالع من الصاله ونازل من الدرج كان مبين عليه انه مره متضايق
طاحت عيونه على غاده ومشا
.................................................. ................................
بعد اسبوع
في قصر الشيخ عبدالمحسن
ام نايف تنادي نوف: نوف نوف يالله انزلي الضيوف وصلوا
نوف كانت بالمره فرحانه الفرحه مو ساعيتها راح تكون خطيبته واخيرا !
نوف: انشالله ماما انشالله
طالعت نفسها بالمرايه للمره الأخيره كان كل شي perfect كان جميله بالمره واللي زادها جمال حبها له واليوم بتشوفه ويشوفها النظره الشرعيه !
في مجلس الرجال
ابو مشاري(عم نوف) : والله هذي الساعه المباركه يا بو ثامر
ابو ثامر: تباركت أيامك والله لنا الشرف بهالنسب
ابو مشاري: مبروك يا ثامر
ثامر من غير نفس يتصنع الابتسامه: الله يبارك فيك يا عمي
ابو مشاري : عن اذنكم شوي
ابو ثامر : تفضل اذنك معك
توجه ابو مشاري لأم نايف في الصاله
ابو مشاري : ها يا أم نايف وينها نوف !
ام نايف تناديها : نوف نوف
نوف تنزل من الدرج بغرور : هلا جيـــت
ابو مشاري: ساعه!
نوف: الله يبارك فيك يا عمي ..
ابو مشاري استحى : مبروك يا بنتي
نوف توجهت للمجلس المواجه لمجلس الرجال ودخلت فيه
نوف: انا مستعده
راح ابو مشاري ونادى ثامر عشان يشوف نوف
ثامر يهمس لتركي: انا ما ادري ليش ابوي مصر اشوفها ...كأني يعني ما شفتها من قبل!
تركي: هههه وسع صدرك في احد ما يبي يشوف خطيبته!
ابو ثامر : ثامر يالله قوم شوفها
قام ثامر: انشالله يبه
توجهلها ثامر بالمجلس الداخلي ودخل عليها
كانت جالسه على الكنبه اول ما دخل كان منزل راسه
ثامر: السلام عليكم
نوف قامت : وعليكم السلامه
ثامر يطالع في الأرض : كيفك نوف وش اخبارك!
نوف: تمام الحمدلله
ابو مشاري : يالله اجل انا استأذن
طلع ابو مشاري وظلت نوف معاه على أساس انه خطيبها
نوف" يالله خطيبي ! ثامر خطيبي !! "كانت جالسه تطالعه تتأمل عيونه " اخيرا تحقق حلمي! اخيرا"
كانت في قمه الروعه و الجمال لكن ما يدري ليش ليش ما يشوفها جميله مثل ما كان يشوفها اول !!
ليش ما هي رائعه مثل مل كان يشوفها اول !!
ثامر" غريبه ! شعوري غريب ناحيتك يا نوف !! تبدل مفهومي اتجاهك 180 درجه كنت اشوفك الطفله البريئه اليتيمه الحلوه الجميله لكن ما ادري ليش الحين اشوفك وحش قدامي ! رغم جمالك واغرائك الا ان عيوني ما قامت تشوفك مثل اول! آآآه قراري صح والا غلط انا عمري ما كنت متأكد اني بفشل في قرار كثر ما انا متأكد اني بفشل معاك! لكن انا وش ذمبي ! وش ذمبي اتحمل خطأ ارتبكه انسان غيري !محمد!! وينه محمد الحين عمل عملته وهرب ... لكن وينه !! صارلي اسبوع ادور عليه ولا لقيته!"
راسه يفكر في 100 شغله وشغله ليش وليش وليش
كانت تبي تكسر حاجز الصمت اللي دار بينهم!
نوف : ثامر
ثامر كان سرحان
نوف : ثامر
ثامر: هلا
نوف بحيا : مبروك
ثامر " حتى الحيا مو لابق عليك !! اشك انك تتصنعينه" وما رد عليها
قام من مكانه : مع السلامه
نوف تناديه :ثامر
وقف ثامر مكانه ولف عليها
نوف: انت مغصوب علي!
ثامر من غير نفس: يعني مسويه روحك ما تدرين!
نوف وكلامها طالع من قلبها : ثامر انا ادري اني غلطت لكني ندمت.. ثامر ,, أنا أحبك وعمري ما حلمت بأنسان غيرك
ثامر الدنيا تدور فيه ما يدري ليش يحس نفسه مخنوق لمن يكون جمبها
ثامر خلاص ماهو قادر يكتم اكثر : وأنا ايش يثبت لي انك صادقه ايش يثبت لي انك ما غلطتي معه بأرادتك !! مثل ما غويتيني لك وش يضمني انك ما اغويتيه هو الثاني وغلطتي معه ...نوف انا أحس حالي بنجن فهميني علميني ...لكن أنا ايش يضمنلي انك صادقه ...يمكن عملتي عملتك وتبين تلصقينها فيني ..ولد صديقتك ولد العز ولد الفلوس ..
نوف واقفه مصنمه " معقلوه هو يفكر عني بهالطريقه" : انت وش قاعد تقول وش قاعد تخربط
ثامر بحده : انا ما قلت الا الصدق ..والصدق لازم تعرفينه ..ما حبيتك ولا أحبك ولا راح أحبك
