((على حافة الهاويه))الجزء السابع عشر..................

الجزءالسابع عشر.

وفي مكان ثاني في أستراحه واحدمن الشباب

راكان: ها يا سلطان ايش قلت ؟!
سلطان وهو يفكر : اممم وش اسمها قلتلي ؟!
راكان: شروق ابراهيم
سلطان:ابراهيم الــ....
راكان: هذا هو
سلطان يستفسر : وايش اللي صار بينها وبين زميلك هذا
راكان : فهد ..تقصد فهد؟!
سلطان بلا مبالاه : ايه
راكان يزود النصب: سحبت عليه وعلى نص عيال الديره
سلطان:اشوفها انا بالأول وأردلك
.................................................. ............................................
وعلى الســـــــــــــاعه 7 في الليل
في بيت المرحوم عبدالمحسن
كانت تبكي بكا يقطع القلب وتحاكي حالها مره تضحك ومره تبكي !!
قررت تدق عليه يمكن يستر عليها !
توجهت للتلفون ودقت عليه

ترددت انه يرد عليها لكنه رد يبي يشوف ايش تبي!

ثامر بتردد: الو
نوف خلاص بحه صوتها أختفت: ثامر
ثامر: وش عندك!
نوف: ثامر...انا انا في في أحد م محمد مم حمد أغـــتصبني
ثامر ارتاع مره " لا يكون تلعب علي": من جدك!!
نوف تبكي :الحق علي يا ثامر آآآآآآهئ
ثامر :جايك انا الحين

وفي اقل من من 10 دقايق كان قدامها

ثامر معبس وجهه: وش اللي صار؟!
نوف تغطي وجهها ماهي قادره تشوفه ما تدري اللي تسويه صح والا غلط: ثامر محمد اغتصبني
ثامر انجن عقله مو راضي يستوعب اللي صار ؟! : متى وكيف؟!
نوف:لمن طلعت دخل و وو وو ........... وتبكي انا خلاص فقدت كل حياتي ابي اموت ابي اموت
كانت جالسه على الكنبه بعيد عنه وتبكي
ثامر : وينه هالكلب؟!
نوف : ما ادري ما اعرف وين راح
ثامر معصب على الآخر رمى بالتلفزيون اللي قدامه على الأرض
طالعها "مسكـــينه ما تستـــاهل ؟! شفق على حالها "
قرب منها
نوف تبكي وتبكي وجهها انتفخ من كثر البكي
ثامر متقطه قلبه عليها : نوفا نوفا لا تبكين
نوف خلاص قفلت معها وتصارخ: كيف ما أبكي كيف ما أبكي وانا اللي مستقبلي ضاع!! انا خلاص انتهيت !!مين اللي يبيني الحين! مين اللي يفكر في وح وو وحده زيي
ثامر خلاص ما يدري ايش يقول: أنـــا أنـــا يا نـــوف أبغاك
لفت عليه ماهي مصدقه اللي يصير
راح لها ومسكها من يديها دمعت عيونه ما يحب وما يقدر يشوف بنت منكسره ومنذله امامه!!
ثامر: اتزوجيني اتزوجيني يا نوف
نوف وقفت مصدومه تبكي والا تفرح تحزن والا تصير سعيده خلاص حلم حياتها بيتحقق !! لكن عقب ايش عقب ما فقدت أغلى ماتملك!؟
نوف : تتكلم جد
ثامر: ايـــه من جدي وما عمري صرت بهالجديه في حياتي كثر هاليوم! اتزوجيني وارتاحي ارتاحي من هالعذاب
.................................................. ....................................

(بعد أسبوع )

كانت جالسه بغرفتها تقرى مجلات ومن كثر الطفش قررت انها تقفتح جوالها سوا تشوف ّّ!! ايش أخبار الهديه
ابتسمت بمجرد انها فكرت ايش بتكون هديتها "يا ترى ساعه ! والا تعليقه والا خاتم!! والا بروش"؟!
شروق" يـــــــــــاي ونـــــــــــاسه"
راحت وفتحت جوالها
دقت عليه
سلطان: هلا والله بالقاطعين
شروق: اهلين
سلطان: هلا وغلا
شروق: هلا حيـــاتي سوري بس كنت مره bussy الأيام اللي راحوا
سلطان"يا شين الخراط يا جيجي" : لا عمري الغايب عذره معه
شروق: كلك ذوق يا عمري
سلطان " شوي شوي لمن اجيب راسك": ايوا حياتي متى تاخذين الهديه!! تراها من زمان تستناكي؟!
شروق طارت من الوناسه بس تبي تسوي ثقل: لا ما ودي اكلف عليك
سلطان: افــا يا جيجي!!
شروق: خلاص حبيبي ما حردك...بس وينها !؟
سلطان:بالفردان تعرفينه!
شروق تبتسم ابتسامه شيطانيه: وفي احد ما يعرفه!
سلطان اوكي حياتي بعد المغرب أشوفك هناك
شروق : اوكي باي
وسكرت
شروق"يــــــــــــــــــــــاي ونـــــــــــــــاسه!! أكيد ما تقل عن 50 الف !! "
وصارت تضحك بصوت عالي
في هالوقت رن جوالها سوا
شافت المتصل
شروق: اووووف هالعله فهد ما يطفش!!
ردت
شروق من غير نفس : الو
فهد: ما بغيتي تردين!
شروٌق: سوري كنت امر بظروف!
فهد: مو علي يا شوشو
شروق مره واصله معها: خير بغيت شي أخوي ؟!
فهد: ها مو ناويه ترجعين لي يا بنت ابراهيم!!
شروق خافت " كيف عرف اسم ابوها " بس بينت انه مو اكبر همها: والله حبيبي هذا انت قلتها بنت ابراهيم ما تنزل لمستواك
فهد: خافي ربك يا شوشو!!والا بتشوفين شي تكرهينه!
شروق: وايش بتسوي يا حسره ...بتذبح خروف؟؟؟؟؟؟؟!
فهد: انتي بتشوفين انا ايش بسوي!
شروق: اوكي باي ..الا يوم يبعثون!!
وسكرت الخط!!
شروق وهي ترمي الجوال على السرير " يالله صدق علّه!!"

وراحت تلبس عشان بعد الآذان بتروح للفردان

وبعد الآذان كانت سيارتها متجهه للفردان شافت قدام الباركنج سياره مرسيدس بانوراما طالعتها من فوق لتحت
شروق" اخس كشخه !!"
دخلت للفردان...وصارت تدور عليه
كان جالس على الكراسي وكأنه ينتظر أحد ومن اول ما دخلت ماشال عينه من عليها
حست انه بالمره معجب فيها توجهت له وهو منبهر من هالبنت اللي تمشي باتجاهه " يا ترى ايش تبي فيني !! تعرفني؟!"
شروق : اهلين انت سلطان؟!
سلطان قام من الكرسي: اي نعم سلطان!! بغيتي شي
شروق: انا صاحبه جمانه ...هي رسلتني عشان الهديه!
سلطان يلف يمين ويسار: وليش ما جت معك؟!
شروق تكذب: اخوها منعها
سلطان : اها اوكي ...والاسم الكريم!!
شروق تمد يدها له : معاك شروق
مد يده وابتسم ابتسامه خبيثه : معاك سلطان عاشت الأسامي شروق!
شروق : عاشت أيامك
سلطان : تفضلي من هنا...
دخلت جوا غرفه وطلع لها 3 أشكال من الساعات وحده من كارتير ووحده من شوبار وشانيل
شروق طيرت عيونها "معقلوه في أحد يهدي خويته هالهدايا؟! ياي ونـــاسه صدق كشخه !!"

سلطان يطالعها عجبته بالمره وأكثر شي لفت انتباهه لها عيونها ...ذلت رجال مثل ما يقولون "لكن صوتها ابد مو غريب!"
شروق " يالله انا محتاره ايش اختار ؟!"
سلطان : ها ايش عجبك؟!
شروق سوت روحها ما همها : والله ما أعرف دقيقه أدق على جمانه وأسألها ؟!
راحت بعيد عنه وسوت روحها تدق على جمانه
رجعت له
شروق: ممممم جمانه تقول انت ايش يعجبك!
سلطان : قوليلها لو تطلب المحل كله في خدمتها
شروق تطالعه "يالله واي ــ انت لهالدرجه بطران!!طالعت سيارته اللي برا ...والله ما ألومك كل يوم لك سياره !!"
شروق تسوي روحها مو مهتمه وهي تحترق من جوا:اممم طيب الحين خلصني ايش أخذ!!
سلطان عجبه شموخ وعزه نفس شروق:ايش رايك في كارتير هذا الموديل الجديد!
شروق"عجبتها الساعه بالمره": اوكي
وأخذت الساعه وطلعت وقبل ما تطلع
سلطان: شروق
لفت عليه: سم!
سلطان: سلميلي على جيجي اوك!
شروق"اوف انا بس ابي افهم متى عطتك وجه جيجي والا عبرتك!": يبلغ يالله باي
سلطان وهو يطالعها تركب السياره وبهمس من دون ما تسمع: في أمان الله يا بنت ابراهيم!
.................................................. .................................................. ...........

في بيت الشيخ ابراهيم

كان محتار هل القرار اللي بيسويه صح والا غلط! بس هو بيستر على انسانه!! اكيد له الأجر
ما يبي يعطي نفسه مجال للتفكير لانه عارف نفسه انه اذا طول في التفكير بيتردد واحتمال كبير انه يغير رايه
توجه لامه في غرفتها
وطق الباب
ام ثامر: تفضل
دخل ثامر وحب راس امه وهو ساكت ماهو عارف كيف يبدا!
ام ثامر لاحظت انه شارد البال : سم يا ابوي فيك شي!
ثامر وهو منزل راسه : يمه انا ابي
ام ثامر : وش تبي؟!
ثامر ماهو قادر يفكر " يربط نفسه مع انسانه ما حبها ودايما يحمل لها مشاعر الشفقه يهدم حياته!! بس برضو هو بينقضها من الوضع اللي هي عايشه فيه وبيستر عليها ...أجره ماراح يضيع عند الله "
ثامر: انا ابي اتزوج
ام ثامر قامت من مكانها الفرحه مو سايعتها
ام ثامر والضحكه شاقه حلقها : ايش قلت !
ثامر ابد مو فرحان: ابي اتزوج
ام ثامر صارت تزغرط في البيت:كلللللللللوووووووووووش الف الصلاة والسلام عليك يا حبيب الله محمد انا بكره ادور لك على عروس
ثامر بتردد:ما يحتاج يمه العروس جاهزه
ام ثامر بفضول: مين هي ؟!
ثامر بتردد: نوف.....نوف بنت عبدالمحسن
ام ثامر بانبهار: والله وبنت ناس يا ثامر ..عرفت تختار !
ثامر يحس بدوخة غريبه عجيبه يحس بصداع ما عمره حس فيه !ما يبي يتكلم في هالسالفه
ثامر وهو يقوم من مكانه خلاص الدنيا مو قادر يشيلها :يالله يمه انا استأذن
ام ثامر من كثر فرحتها ما لاحظت ضيقه صدر ولدها
.................................................. .............
في مكان ثاني وفي سياره شروق

كانت جالسه تطالع الساعه الضحكه مو راضيه ابدا تفارقها
فجأه رن جوالها
شروق" هذا سلطان .. ارد والا لا !"

أخذت الموبايل وردت

شروق تغير صوتها لصوت جيجي

شروق: اهلين حبيبي!
سلطان : هلا بحبيبتي وقلبي وعمري !
شروق فرحانه على الآخر وسوت حالها مستحيه!
سلطان: وينك يا جيجي ليش ما جيتي!
شروق: حبيبي والله sorry ما قدرت اخويه منعني!
سلطان : طيب كان دقيتي او عطيتيني خبر !! او أجلها ليوم ثاني!
شروق: حبيبي والله sorry انا قلت اكيد مشغول ومو فاضي لي ...فرسلت لك شوشو!!
سلطان : شوشو!
شروق: اقصد شروق صاحبتي!
سلطان: ايوا شفتها ..بس تصدقين
شروق: ها
سلطان: مره كان نفسي أشوفك
شروق مره تنرفزت "ليش يعني وانا ما عجبتك!": اوكي حبيبي باي لازم اسكر الحين
سلطان : اوكي
شروق : باي
وسكرت
سلطان ظل يطالع جواله ويتأمل: باي يا شروق!
.................................

في بيت الشيخ ابراهيم

ام ثامر كانت جالسه تكلم ابراهيم (ابو ثامر ) على التلفون

ام ثامر بنبره فرح: الحق يا ابراهيم! الحق
ابراهيم ببرود :خير يا حياتي
ام ثامر: ثامر!
ابو ثامر: وش فيه!! يبي فلوس!
ام ثامر: ابراهيم! ثامر قرر
ابو ثامر يضحك: وش قرر عليه!
ام ثامر: يتزوج! ثامر يبي يتزوج!
ابو ثامر فرح فرحه مو طبيعيه: على البركه .. واخيرا!
في هالوقت دخلت شروق ومعاها ايس كريم
شروق بدلع : مامي انا جيت!
ام ثامر : ابراهيم تعال الحين
ابو ثامر: اوكي اخلص شغلي وطيران لعندكم
شروق مره مندمجه وهي تاكل في الآيس كريم! وقاعده تطالع امها اللي مره مبسوطه
سكرت ام ثامر من ابو ثامر
شروق: : ماما تبين ايس كريم!
ام ثامر: اتركي الآيس كريم عنك! لك عندي خبر بمليون
شروق التفت على امها : خير يا ماما (ابتسمت) فرحينا؟!
ام ثامر: احزري مين بيتزوج!
شروق بمزح: بابا!!!
ام ثامر شهقت شهقه مره عاليه وظربت شروق بخفه: هاه بسم الله علي وعليه الرحمن الرحيم!
شروق طالعت رده فعل امها اللي تضحك وجلست تضحك :ههههههههههه
ام ثامر: فال الله ولا فالك
شروق : اجل مين اللي بيتزوج؟
ام ثامر مره متحمسه تشوف رده فعل شروق : ثامر!
شروق : نعم نعم ...ما سمعت زين!!!
ام ثامر تعلي صوتها: اقولك ثامر ثامر بيتزوج
شروق نطت من مكانها: يــــــــــاي وناسه اخيرا بصير عمه!!
ام ثامر تضحك على رجه شروق: توك على عمه!! مو خليه يخطب بالأول
شروق بحماس : انا عندي لكم بنت قمر ..ولا كل البنات! ادب وذوق واخلاق !
ام ثامر مره تحمست تعرف مين هذي البنت يمكن تطلع نوف؟!:ومين هذي !
شروق: غاده بنت عبدالعزيز ...يا ماما لو تشوفينها !!
ام ثامر: اجل هذي ناخذها لتركي!
شروق باستغراب: ليش !!
ام ثامر: لان ثامر حاط في باله بنت!
شروق: اخس ثامر يحب!
ام ثامر: عيب عليك هالكلام وشو حب ووش خرابيط ما عندنا هالكلام!
شروق: هو !! ماما يعني ما في شي اسمه حب!!
ام ثامر: الحب يجي بعد الزواج...
شروق ساكته لأول مره في حياتها تفتح موضوع الحب والزواج عند امها ولأول مره تسمع وجه نظرها عن الحب!
ام ثامر بتنبيه: مافي حب قبل الزواج!
شروق: يعني ماما كيف ما في حب قبل الزواج!! طيب واللي تحب قبله تكون ايش!! ما يسمى حب!!
ام ثامر:احاسيس مراهقه!! لكن الحب الحقيقي واللي يدوم هو اللي يجي بعد الزواج!!
شروق اتضايقت من مفهوم امها للحب فحبت تصرف: طيب ومين هذي اللي يبيها ثامر...نعرفها ..اعرفها ..انتي تعرفينها!!
ام ثامر والضحكه شاقه الحلق: نوف!
شروق مصدومه قامن من مكانها : نعم!!! نوف !! نوف مين!!!
ام ثامر: نوف بنت عبدالمحسن!! صديقتك
شروق واقفه مكانها مصدومه على الآخر: نوف نوف بنت عبدالمحسن !!( صارت تمسك راسها يمكن تكون في حلم !!يمكن تكون في كابوس مزعج وتبي تصحى منه )
ام ثامر مره مستغربه من رده فعل شروق توقعت انو المفروض اكثر وحده تفرح هي شروق!
ام ثامر: قلبي فيك حاجه!! تبين تقولين شي
شروق صارت تصرخ: مستحيل لا مستحيل اخليه يتزوجها لا لا مستحيل ماما ..انتي متاكده هو يبي نوف!!
ام ثامر وعلامات التعجب في راسها : اي ...قولي لي وش فيك!
شروق ما تدري ايش تقول لامها ما تعرف كيف تشرح لها " وش اقولك يا ماما وش اقولك...اقولك البنت خربانه!! واخوي ما يستاهلها !! لكني اذا قلتلك بتشكين فيني ..وانا ما ابي احط نفسي في موقف للشبهه يالله كيف افهمك الحين"

شروق تصارخ: ماما البنت هذي ما يتزوجها اخوي !! مستحيل مستحيل
ام ثامر : طيب ليش فهميني وش السالفه!
شروق: ما في شي وما حقول شي اللي بس ابيك تعرفينه ان هالزواج مستحيل يتم مستحيل
طلعت شروق من الصاله وتو جهت لغرفه ثامر الدنيا صارت تدور فيها " وش صاير ووش السالفه توك يا ثامر قلتلي اتركيها والحين اسمع انك تبيها لك ...تبيها كزوجه لك!كيف ووشلون ومتى وليش نوف!! قلو البنات يعني!!

دخلت عليه في الغرفه من دون ما تطق الباب

كان جالس على مكتبه اللي في الغرفه ويراجع اوراق ومعاملات الشركه
طالعها باستغراب
ثامر : بسم الله الرحمن الرحيم ..
شروق اعصابها بالمره مشدوده توجهت له وبكل جديه: ثامر صدق هالكلام اللي سمعته!
ثامر ترك الاوراق اللي بيده: اي كلام!
شروق خلاص دموعها بتطيح: الكلام اللي قالت لياه ماما قبل شوي ...انت من جدك بتتزوج نوف!
ثامر يتنهد"يبي ينسى الموضوع يبي يشغل باله بأي شي عشان ينساه" : اي جد ..
شروق: ثامر انت مستحيل تتزوجها مستحيل
ثامر شدة انتباهه هذي السالفه: وليش انشالله!!
شروق : وشو ليش ...مو انت قلتلي قبل كم يوم اتركيها وما ابيك تماشين هالبنت واقطعي علاقتك فيها ...وشلون الحين يتغير كلامك! ثامر (دموعها بتنزل)انت مستحيل تتزوجها مستحيل
ثامر: ابي افهم شي واحد...انتي ليش رافضتها!
شروق:كذا ..البنت ما تريح!!
ثامر قام من مكانه: ما تريح!! اها ووشلون تماشينها طول هالسنوات دامها ما تريح!
شروق: توني اكتشفت أشياء ما كنت اعرفها فيها!!
ثامر ابد مو مقتنع بكلام شروق : وايش اللي اكتشفتيه فيها !!
شروق مره ارتبكت : ثامر انا ما اعرف شي لكن لا تتزوجها ...مستحيل اخليك تت
قاطعها ثامر: شروق انا ابتزوجها رضيتي والا ما رضيتي والبنت هذي بتكون زوجتي!
شروق:ثامر ابيك تعرف شي!! انا اختك واحبك وابي مصلحتك ...صدقني نوف ما تصلح لك ما تصلح لكّّ!!
ثامر"حاس بكل كلمه تقولها شروق ولو انه ما يدري ايش اللي يخلي اخته ترفضها ..لكنه يدري بشي واحد وهو انه اجره ما حيضيع عند الله سبحانه "
شروق دموعها طاحت ما هي قادره تقوله تبي تقوله وتفهمه لكنها ما تقدر !
شروق: صدقني يا ثامر وحط هالكلام اللي بقولك اياه في بالك! صدقني اذا دخلت نوف في حياتك!! فانت حكمت على نفسك بالعذاب !
طلعت عنه وخلته!
توجهت لغرفتها الدنيا ضايقه فيها ...ما عمرها تصورت ان ثامر بيكون لنوفّّ!!
ما تبي تشوف اخوها منكسر ومصدوم في بنت!
حتى لو كانت نوف صديقتها..ما حترضى فيها لأخوها ..نوف وين وثامر وين!
هي يمكن كانت تمزح وتسوي مواقف بيناتهم لكنها كانت بالنسبه لها مجرد استهبال !
استهبال لا اكثر!
شروق" قلب نوف عمره ماحب!! وشلون بتعيش هي وياه بسقف واحد..وانا ادري انها بتكلم مليون غيره! هي مو زي جيجي على نياتها!! نوف غير ! نوف غير ..وانا الوحيده اللي اعرفها ...انا الوحيده اللي لازم اوقف بوجه هالزواج!! لكن وشلون وكيف حبها !!
لا لا هو ما يحبها ما يحبها ..اخوي وانا اعرفه ..لكن وشلون بيتزوج ؟؟؟ وشلون "
مسكت راسها حست بصداع فظيع وحست نفسها بمشكله كبيره !!
"انا ونوف في بيت واحد .. لا لا مستحيل أكيد هذا كابوس"
دقت على جيجي وقالت لها كل السالفه من هذاك اليوم اللي قالها ثامر اتركي نوف الى الاحداث اللي صارتلها من شوي
جمانه متعجبه ومصدومه: لا لا بتمزحي!
شروق: جيجي ايش اسوي الحين! قوليلي!
جمانه:نوف وثامر اخوكي!! ابدا ما تدخل المخ!
شروق: جيجي نوف ما تصلح لثامر...انا خايفه على اخوي منها!
جمانه: طيب ايش تتوقعي صار ليش فجاه يقولك اتركيها وابعدي عنها الحين رجع عن قراره ويبي يتزوجها!
شروق: جيجي انا احلم ..بليز اذا احلم صحيني
جمانه: هههههههه
شروق بتبكي: جمانه يالزفته احر ما عندي ابرد ما عندك..صدق كل على همه سرى وانا على همي سريت!
جمانه: يا بنت وسعي صدرك! انتي مكبره السالفه
شروق: السالفه اصلا كبيره يا جيجي!!زوجه اخوي زوجه اخوي نوف زوجه اخوي انتي مستوعبه!!
جمانه توها تستوعب: يالله الله يعينك..توني استوعبها
شروق: يالله والحين ايش الحل!
جمانه: ممممممممم الحل خليه يحب وحده تانيه!! وحده غيرها!
شروق: وكيف هذي ...مو يمكن هو يحب نوف من الأساس
جمانه: لا لا ما اتوقع
شروق: طيب ومين بترضى فيه!
جمانه: يا حبيبتي نص بنات البلد تبي اشاره من اخوكي!
شروق : اقصد وهو بيرضى بمين!
جمانه: لقيتـــــــــــــــــها
شروق : قولي خلصيني
جيجي: غاده!
شروق: وشلون!
جيجي: خليه يحب غاده!
شروق: وهو قلبه ريموت كونترول اتحكم فيه!! لو بيدي كان بعدته عن النحسه من زمان!
جيجي: طيب حاولي! شوفي ..طريقه من هنا والا من هنا!
شروق: جيجي ساعديني لا تتركيني
جيجي: اوكي اوكي حساعدك
وصاروا يخططون ايش يسوون ويعملون

.................................................. .....................

بعد 3 أيام

على الساعه 8 بعد العشاء

كان توه طالع من البيت ومتجه للاستراحه كان بالمره مشتاق للشباب وجمعتهم من اول ما رجع من كندا ما اجتمع فيهم
وصل للاستراحه ونزل من سيارته
اتجه له
راكان:يا هلا والله يالحبيب
فيصل لف عليه: هلا والله بولد عمي!
راكان : كيفك وش اخبارك وينك ما تنشاف !
فيصل: ابد والله ظروف (وابتسم اول ما تذكر جيجي)
راكان : ظروف ...!! توك راجع من كندا امداها ظروفك تلحقك
فيصل: ههههه شفت وشلون
راكان :اذا على هالحال بتظل فالله يعينك!
فيصل دخل للاستراحه وشاف العيال يلعبون كوره
فيصل جلس يطالع: كل شي مثل ما هو !! كل شي مثل ما تركته!!
العيال اول ما شافوه دخل
على طول توجهوا له وسلموا عليه
ريان: هلا والله بو عزوز
فيصل: هلا وغلا يالمعصقل
ريان: امدانا ..من اولها بدينا!
فيصل حظنه: ولا يهمك اجل اشتقت لك يالدب
ريان:اي خليك كذا ارفعلي معنوياتي!
راكان:يالله شباب تعالوا ندخل عند الباقين في الخيمه
عبدالله: يالله

ودخلو الشباب يسولفون وانواع الضحك والمواقف المضحكه اللي صارت لكل واحد منهم في السفر!

فجأه رن جوال فيصل كان المتصل مصعب

فيصل: هلا والله
مصعب: هلا بك..وينك!
فيصل: في الاستراحه
مصعب متعجب : استراحه مين!
فيصل: استراحه سلطان
مصعب مره تضايق : وانت وش موديك هناك!
فيصل: اسلم على الشباب..الله يا مصعب كل شي مثل ما ترتكته..انت اللي وينك وليش ما جيت!
مصعب: انا ؟!
فيصل:ايه انت ..ليش ما جيت!!
مصعب: فيصل ..انصحك لوجه الله ابعد عن الاستراحه وابعد عن هالشباب
فيصل: ليش وش صاير! لا تقول تخانقت انت وسلطان
مصعب: ايوا
فيصل: ياخي انت وياه من عرفتكم ما اتفقتوا
مصعب: فيصل اذا انا اعنيلك شي واذا ابوك و اهلك واغلى ما تملك يعني لك شي ..أسألك بالله اطلع الحين من الاستراحه وابعد عن هالشباب
فيصل بالمره مستغرب ابدا ماهو فاهم شي؟: طيب ليش فهمني شالسالفه!
مصعب: انت تعال وانا افهمك اللي تبيه
سكر فيصل من مصعب وهو بالمره مستغرب " وش عنده مصعب !"

قام فيصل من مكانه
راكان: تعال وين رايح!
فيصل: عندي كم شغله بسويها وراجع
راكان: طيب مين مكلمك!! الأهل!!
فيصل: لا هذا مصعب!
راكان انقلب وجهه: مصعب!
فيصل استغرب بالمره: اي مصعب ..ليش فيه شي!
راكان: لا هاه ابد ولا شي ..طيب وش يبي!
فيصل: يبيني فكم شغله..
راكان :اها ..
فيصل يطالع وجه راكان المنقلب اول ما سمع اسم مصعب : ليش فيه شي!
راكان: ابد سلامتك...يبقى سلملي عليه!
فيصل: يوصل ..يالله في امان الله

اول ما طلع فيصل من الاستراحه على طول دق راكان على سلطان
سلطان صوته رايح فيها كان مبين على انه سكران: الو
راكان: سلطانو وينك!
سلطان وهو فاقد الوعي : سلطانوه ..مين سلطانوه انت غلطانه يا اختي
راكان: سليطين وينك!
سلطان:اختي امي اقصد عمتي اووووه خالتي
راكان: ههههه اقول سلطان حياتي اذا صحيت كلمني ...ما امداها السهره تبدأ
سلطان: عليك نور يا قمر انا سلطان
راكان : باي
سلطان : اي سكرت على اذني!
رغد: سلطان
سلطان لف عليها :عيونه!
رغد: مين كلمك!
سلطان: امي او خالتي والله مدري نسيت!
رغد: هههه لا انت رايح فيها !
سلطان: لا ما رحت فيها هي جتني
قربت منه رغد ومدت يدها لمحفظته
سلطان : وش تسرقين مني!
رغد : ما اسرقك هذا حقي!! ههه والا انت نسيت
سلطان يشدها له: طيب تعالي لا تروحين!
رغد: لا حبيبي ّّ!! انت دفعت ثمن ساعتين مو اكثر

................................................

في قهوه من قهاوي التحليه كان جالس يستناه
ويفكر " كيف اقولك يا فيصل ! من وين أبدأ ومن وين أشرح لك!"
قطع عليه تفكيره
فيصل: هايات يا ابو سعود
مصعب: هلا والله
فيصل: ها قلي وش عندك
مصعب يطالعه وهو واقف: اجلس طيب وانا اقولك!
فيصل: هاه وهذا انا جلست تكلم
مصعب: فيصل..هالشله انا تركتها من زمان!
فيصل : مستغرب متى وليش..وليش ما قلت لي؟!
مصعب: ما قلتلك لاني كنت متصور انك اذا رجعت من كندا راح تتركهم وتنساهم!
فيصل: انا مو عوايدي يا مصعب انسى اخوياي وانت تعرف هالشي!
مصعب : السالفه موب كذا
فيصل احترقت اعصابه: اجل وشو تكلم!
مصعب: راعين شرب وقمار وبنات!
فيصل ساكت جالس يستوعب السالفه!
مصعب ما وده انه يحكي فيهم وخصوصا ان ولد عم فيصل راكان معهم لكن لازم يبعد صديقه عن هالشله الخربانه "كان لازم احذرك يا فيصل "
فيصل: طيب وراكان يعرف!
مصعب ماهو عارف كيف يقوله: اي راكان معهم!
فيصل: لا حول ولا قوه الا بالله..ليش ما قلتلي يا مصعب من زمان
مصعب يقاطعه: كنت بقولك بس ما لقيت فرصه اخبرك
فيصل: مشكور يا مصعب
ابتسم مصعب لفيصل: وش دعوه يالحبيب!
وتقهوا مع بعض وقضوا اليوم كله بالسوالف
لكن فيصل كان حاط في باله هدف !
لازم يبعد ولد عمه عنهم لازم!
.............................................
بعد 4 ايام
في مكان ثاني وفي بيت شروق

كانت جالسه في غرفتها انشل تفكيرها بالمره ماهي عارفه كيف تفكر وكيف تتصرف
ما في غير هالحل !! ما في غير اللي قالت لي عليه جيجي!

ودقت على غاده

غاده بصوت هادي: الو
شروق: اهلين غدو
غاده : مين معاي!
شروق: ولو غدو ما عرفتيني!! وهل يخفى شروق القمر!
غاده استوعبت هبال شروق : ههههه شروق!
شروق:عليكي نور ..انا شروق!
غاده : الله يحيك يا قلبي نورتي جوالي !!
شروق: اي ادري انه منور !!
غاده: اي تو وانا اشوف رقمك كان يطلع من جوالي نور !!
شروق: ههههههه اي هذا نوري !! شفتي وشلون
غاده: هههه كيفك وايش اخبارك!
شروق: تمام الحمدلله نسال عنك يالقاطعه!
غاده : انا قاطعه ..حرام عليكي! والله القلوب شواهد
شروق تغني : ماهو صحيح القلب للقلب شاهد!! لو هو صحيح اصبحت مفتون فيني
غاده انعجبت بصوتها : ايوا ...
شروق: ليتك تعرف الشوق لي صار واجد ..وليتك تعرف اوجاع كثر الحنيني !
غاده: واااو صوتك خيال
شروق: احم احم ادري
غاده: اخس يالواثقه
شروق: اكيد حنجرتي ذهبيه!!
غاده: واو يا العندليب !
شروق: غدو مره وحشتيني
غاده: انتي اكثر
شروق: طيب ايش رايك نتقابل!
غاده: ما عندي مانع
شروق: ايش رايك تجين عندي في البيت
غاده: اممم متى طيب؟!
شروق: ايش رايك في بكره
غاده: لا بكره ما اقدر ..
شروق: ليش ايش عندك؟
غاده: بكره مسابقه الباليه
شروق: واو انتي مشتركه فيها !
غاده : اي
شروق: بذمتك!!
غاده : yes ها ايش رايك!
شروق: واو انا مره احب الباليه نفسي اتعلمه
غاده : انتي امري انا ادربك عليه
شروق: جد والله علميني
غاده: اوكي
شروق: طيب ايش رايك في بعد بكره
غاده: امممم اوكي ليش لا ! بس بسأل ماما بلأول وأرد لك
شروق: اوكي اسأليها ورديلي ...مو تسوين فيني مثل ما تسوين في مها
غاده: ههههه ليش ايش سويت لها
شروق: قالت لي عن حركاتك
غاده: ههههههه اي حركات
شروق: انك تسحبين!
غاده: لا عاد وشدعوه...صدقيني بسأل ماما وأرد عليكي اوكي!
شروق: اوكي ولا يهمك!
غاده: يالله أجل باي
شروق: ترى استناك ..مو تنسين !
غاده: اوكي ربع ساعه بالكثير واردلك
شروق: اوووف ربع ساعه!! انتي بتسافرين والا بتجيني!
غاده:هههه والله على بال ما ادور ماما واسألها تكون عشر دقايق وعلى بال ما ارد لك تكون 5 هههه شفتي وشلون احسبها
شروق: تحسبينها صح!
غاده: انا علمي مو ادبي زيك!!
شروق: عشتوا !! وش فيهم بنات الأدبي
غاده: ههههه ما فيهم شي!
شروق: ههههه غديووه شغلك عندي اذا جيتي
غاده: ههههه يما خلاص هونت ما راح اجي!
شروق: يالله بس بلا هبال روحي اسألي امك...صدق البزران ما ينعطون وجه!
غاده: شف شف شف !! تراكي اكبر مني بسنه بس!
شروق: اهم شي اني اكبر منك
غاده: اوكي اوكي يا ماما
شروق: يالله روحي اساليها ...استناك
غاده:ههه اوكي باي
شروق: باي

وسكرت الخط

عند غاده " يالله جد بنت ناس ومره حبوبه!! يا حليلها "

توجهت لغرفه امها

شافتها جالسه بالصاله ...
غاده: ماما
ام فيصل: هممم
غاده: ممكن طلب وما ترديني !!
فيصل كان جالس في الصاله ويطالع اخته " يا هي تعرف وشلون تجيب اللي تبيه!!"
ام فيصل: حسب طلبك ..اذا اقدر عليه والا لا
غاده: ههه هو من ناحيه تقدرين فانتي تقدرين
ام فيصل:طيب ايش هوّ؟!
غاده خايفه ان امها ترفض: امممم بس اوعديني انك تفكرين قبل ما تقولين لا !
ام فيصل: غاده ..ايش عندك!!
غاده تلف وتدور..: امممممم شروق بنت ابراهيم عازمتني في بيتها
لفت ام فيصل وجهها لغاده: مين شروق اول مره اسمع انو عندك صاحبه بهالأسم!
غاده تتوسل لأمها: هذي صاحبتني ومره حبوبه ومره اخلاق ...تعرف صاحبه بنت عم مها !!ماما بليز لا تعيين بليز بليز
ام فيصل: ووين عازمتك؟!
غاده: في بيتها ...ماما بيتها جمب بيتنا ..خمس دقايق بس!
ام فيصل : ايش تقولين لي اسم ابوها !!
غاده: ابراهيم الــ ...!
ام فيصل:ايــه هذي اللي بيتهم قصر في اول الحاره! اللي لونه ابيض!!
غاده: ايوا هذا هو...شفتي وشلون بيتها قريب!
ام فيصل: أشوف ...
غاده: ماما بليز وافقي ...ما عمري رحت لوحده من صاحباتي!!
ام فيصل تضحك على بنتها اللي تزود في الحكي : طيب ومها ...ما قد رحتي لها!!
غاده: ماما مها غير ...هذي اختي ..مو معقوله بعد تحرميني منها!
ام فيصل: مشالله ...طيب والدي جي اللي رحتي له من اسبوع ...وش يسمى !!
غاده: ماما هذاك الدي جي ما كنت ابي اروح له ..وما انبسطت فيه !!
ام فيصل توجه كلامها لفيصل : فيصل ايش رايك!
فيصل: والله اممم
غاده تقاطعه : ماما وفيصل ايش يدخله ...انتي امي والا هو امي!!
فيصل: اجل ماما عيي عليها !!
غاده: فيصل يا سخفك بليز ماما وافقي! يالله كل هذا عشان اروح لبنت !! (بدلع) والله لو اني بسافر
فيصل: احسن خلك ..عشان تعرفين تقدريني
غاده: فصولي حبيبي الله يخليك وبعدين جمانه راح تكون هناك!
فيصل فز قلبه لمن قالت له جمانه ومره ارتبك قدام امه وصار واضح هذا الشي !!
ام فيصل تضحك: ومين هذي جمانه!!
غاده: هذي اخت مصعب صاحب فيصل....
ام فيصل تطالع فيصل
غاده تكمل:والله انهم يا ماما ادب ذوق واخلاق ...(تكلم فيصل) صح يا فيصل!؟
فيصل: دام جمانه بتروح روحي معها !!
ام فيصل: وليش جمانه بالذات يعني
فيصل يتكلم عن حبيبته عند امه ويبي يحلي صورتها عندها وهو مبتسم: البنت مؤدبه ومحترمه ...ومتربيه! وانا واثق فيها بتحط اختي في عيونها
ام فيصل ابتسمت: اجل جمانه هذي لازم اشوفها واقابلها في يوم
فيصل مره تحمس وقام من على الكنبه اللي هو فيها وجلس عند رجلين امه
فيصل: جد يا ماما لازم تشوفينها ...البنت احلى منها ما شفت (لاحظ نفسه) اقصد من ناحيه ادبها واخلاقها !
غاده "كنت حاسه بشي من البدايه !! "
ام فيصل تطالع حماسه ولدها وحست فيه وتبي تقوس نبظه: اجل خلاص ...نخطبها لك !!
فيصل ابدا ما استوعب اللي قالته امه له !!
لهالدرجه كان الموضوع اسهل من ما يتوقع !! يخطب جمانه!! احمر وجهه لدرجه انو مره كان مبين الحب في عيونه
امه واخته ما خفى عليهم هذا الشي!
ام فيصل " يا حليلك يا فيصل" : ها ايش قلت!
فيصل ساكت الفرحه مو قادره تشيله : والله يما ..اللي تشوفينه!!
ام فيصل تلعب باعصابه: مافي اللي تشوفينه!! تبيها والا لا!!
فيصل استحى بالمره: هاه
غاده: ههههههههه كأنك بنت وخطبوها هههههههههه
فيصل: اقول وش رايك تنقلعين
غاده : ههههههه ههههه ودي اصورك
فيصل ما عطاها وجه: والله يا ماما انا ابيها ...
ام فيصل ابتسمت ابتسامه رضا وقربت من ولدها وضمته : الله يسعدك يا وليدي دنيا واخره
غاده : ياي خقيت !
فيصل الكلام ..وشهو الكلام بالنسبه له الحين ! وشلون الكلام يوصف له شعوره!
حب راس امه
فيصل: مشكوره يالغاليه !!
غاده تبتسم: انا عارفه اني خاشه عرض بس هاه ماما اروح!!
ام فيصل: روحي خلاص
غاده : ياي وناسه
ام فيصل تطالع فيصل: بس خلي جمانه تروح معاك
فيصل ابتسم لامه" الله يخليك لي يا احلى ام "
غاده :اوكي اوكي
وراحت ركض تدق على شروق

كانت جالسه في الصاله تعملها بدوكير ومانوكير

فجأه رن جوالها
المتصل غدو

شوشو: heey
غاده: شوشو
شوشو: ya بشري!
غاده: وافقت ماما
شوشو : تمزحين!!
غاده: والله...باليالله وافقت !
شوشو: ياي وناسه!! انا بكلم جيجي ومها يجون كمان ..تتوقعين مها امها توافق!
غاده: اي اتوقع عادي!
شوشو : خلاص اجل انا استناكم بعد بكره اوكي!
غاده: اوكي ولا يهمك!
شوشو: يالله اجل تامريني بشي
غاده: لا سلامتك باي
شوشو: استني ..وش فيك ملحوسه!
غاده: هههههه ابد لا ملحوسه ولا شي!
شوشو: طيب عطيني رقم مها!
غاده : اوكي برسله لك
شوشو: اوكي يكون احسن ...هههه يالله الحين سكري
غاده: يالله باي
شوشو: ههه باي

عند شروق
تركي : مين هذي!
شروق: غاده
تركي: مين هذي بعد!
شروق: بنت
تركي : لا والله احسبها واحد من العيال
شروق: هههه سخيف!
تركي: مخلي خفه الدم لك
شروق: هههه تركي ابد مو رايقه لك
قام تركي من الكنبه اللي كان جالس عليها وتوجه للكنبه اللي كانت جالسه عليها شروق وطب فوقها
شروق: آآآآه قوم!!
تركي: ماني قايم
شروق: ههه آآآآه تركي تراك تعورني ...يالدب تراك ثقيل ...لا تصدق انك نحيف !!
تركي : انا دب يالبرميل!!
شوشو: تركي آآآآآي تعورني والله تعورني آآآه قوم عني!
قام عنها تركي وجلس جمبها
شروق: آآآه شوف يدي وشلون صارت !
راح تركي وباس يدها
شروق: هههههه انهبلت انت ! لا يكون شارب! ترى بعلم بابا عليك
تركي: ههههه يعني ما ابوسك الا وانا شارب!
شروق:بصراحه انت شخصيه عجيبه غريبه لحد الحين ما فهمتك! مافي منك اثنين على الأرض!
تركي: انا vip
شروق قاعده تطالعه تحس انها مره مشتاقه له ومن زمان ما جلست معاه: يا ملحك يا ناس جد انك تخقق
تركي: واي استحيت !
شروق: يا حظ اللي بتاخذك جد محظوظه!
تركي : احم احم ما دريتي انا ناوي اخطب
شروق: انت بعد الثاني نويت تخطب ...مين بتاخذ بعد كوندليزا رايس!
تركي: ههههه بسم الله علي الرحمن الرحيم ...وليش مثلا ما اخذ هيفا وهبي!
شروق: هههه أسأل اخوك ثامر..
تركي مستغرب: اخوي! ثامر! وش فيه!
شروق: ليش انت ما دريت !
تركي: عن ايش؟!
شروق: لا لا انت مانت عايش في البيت بالمره!
تركي: وش صاير؟
شروق: ثامر يبي يتزوج!
تركي قام من مكانه متحمس :كلللللوش الف الصلاه والسلام عليك يا حبيب الله محمد!
شروق تشده يجلس : هي ! انت انهبلت ! صدق مخفه!
تركي : انا مخفه انتي ووجهك
رجع طب عليها مره ثانيه
شروق: آآآآآآه تركيوووه قوم عني!
تركي: انا مخفه والا لا!
شروق: لا لا انت مره ثقل
قام عنها : اي اشوا
شروق: لو تدري مين بياخذ !
تركي : مين!
شروق كشرت: نوف!
تركي انفجع : مين نوف!
شروق: نوف بنت عبدالمحسن!
تركي: لا تستهبلين!
شروق دموعها بتنزل: آآآه يا تركي ما ابيه ياخذها...البنت هذي انا ما ارتاح لها ...وماني راضيه انو اخواني ياخذون وحده زيها
تركي: عشانك تخانقتي معها يعني!
شروق: لا السالفه مو كذا
تركي: اجل ايش السالفه!
وقالت شروق لتركي كل السالفه اللي صارت في دي جي نوف وانها سبتها هي وجيجي .. وتكلمت عن شرفها وتكلمت عن امها واهلها !
تركي: طيب وثامر ...ليش ما قلتيله!
شروق: ثامر نفسه جا وقالي ابعدي عن هالبنت وما ابيك تماشينها ...وفجاه اسمع انه يبي يخطبها!
تركي: لا اكيد في سالفه!
شروق: ومو اي سالفه ...سالفه كبيره مره!
تركي: طيب تتوقعينه يحبها!
شروق: لا ابدا ثامر مو راعي حب !
تركي: اجل ايش اللي يجبره يتزوجها
شروق: ما ادري ما ادري يا تركي !! انا ما استبعد انها ساحرته!
.................................................. ..

الليل على الساعه 2 الفجر

كانت بالمره مشتاقه لك اليوم كله ما اسمعت صوته !" يا ترى ليش ما دقيت عليّ يا فيصل"
من كثر ما تفكر فيه ما قدرت تنام!
بس تفكر ليش ما كلمها اليوم!
في الهالوقت قررت انها تدق عليه !! مين يدري يمكن صار له شي لا سمح الله !
جيجي" انا لازم قبل ما اظن فيه ظن مو كويس ادق عليه يمكن يكون تعبان !سلامتك يا حبيبي اذا انت تعبان"
رد عليها برومانسيه
فيصل: الو
جيجي بنعومه وبلهفه: الو
فيصل كانت كل كلمه تطلع منه يعنيها: هلا بحياتي
جيجي " يالله احبه يا ناس " : هلا فيصل ...وينك انت بخير!
فيصل حاط يديه على قلبه : تخافين علي!
جيجي: ايوا اكيد...فيصل طمني انت تعبان!
فيصل: ايوا تعبان قلبي تعبان
ابتسمت له جيجي: سلامت قلبك
فيصل: اشتقتلك
جيجي: انا كمان اشتقت لك...
فيصل قلبه يدق بقوه وعيونه تدمع ويحس بأصدق الاحاسيس معها: جيجي
جيجي نفس الشي: عيوني
فيصل: تحبيني!
جيجي مره استحت من سؤاله ..ابدا ما توقعت انه يسالها هالسؤال
جمانه بغباء: ها!
فيصل: جمانه..
جمانه بنعومه : ya
فيصل: انا احبك
جمانه بحب: وانا بعد احبك
فيصل: لا لا انا احبك حب غير عن كل هالبشر !! احبك حب غير عن هالدنيا ! جمانه..انتي انتي انا
جمانه دمعت عيونها عمرها ما قد حلمت بحب كبير زي كذا وولا عمرها حلمت بانها تحس بهالأحساس اللي الحين جاها مع انسان عمرها ما تصورت انها ممكن تحب!! وتحب بقوه بعد!
فيصل: جمانه وينك!
جيجي كانت تمسح دمعتها دموع الفرح مثل ما يقولون: الله يخليك لي
فيصل: وما يحرمني منك
جمانه كانت ساكته تسمتع بسماع صوت انفاسه
فيصل يبي يكسر الجو: وغدو اختي حطيها في عيونك!
جمانه: ههههه يؤ والله لو انها بتسافر
فيصل: تسلم لي هالضحكه
جمانه بدلع: فيصل خلاص!
فيصل يضحك : خلاص ايش؟!
جمانه: خلاص كفاية لا تغازل!
فيصل: ابد انا ما اغازل ولا شي !! وش قلت انا !! قلت انك قمر!! ما قلت !
جمانه: يالله يا فيصل لا تغازلني!
فيصل ضحك ضحكه خقت معها جيجي: هههههههههه
جمانه خلاص راحت فيها
فيصل: لا لا ما استحمل انتي مره واثقه!
جمانه بغرور: يحقلي يا باشا
فيصل: ما سألتيني ...ليش ما دقيت عليكي اليوم!
جمانه تبي تسأله هالسؤال فقالت : ايوا ليش؟!
فيصل: عندي لك مفاجاه
جمانه: ايش هيّ!
فيصل: اذا قلتلك ما حتصير مفجأه
.................................................. ..............................

يسلموااااااااااااا..

بأنتظااااااااار البااااااااارت الجديد ..

تحياتي .. Cool