((على حافة الهاويه))الجزء التاسع

وفي مكان ثاني في شركه الشيخ ابراهيم كان قاعد في المكتب حقه وقدامه أوراق ومعاملات ماهو قادر يستوعبها يقراها مليون مره لكن عقله مو معاه يفكر بأنسانه وحده "نوف..نوف ...نوف..نوف..نوف ...نوف..نوف ياربي أنا ليش أفكر فيها " ترك الأوراق اللي بيده ورماها على المكتب بلا مبالاه ! قام من مكانه وجلس يدور في المكتب يمكن يخرجها من باله ...مسك راسه بقوه وكأنه كاره التفكير فيها ...ليش ليش أفكر فيها "عيونها شعرها نظراتها حياها تورد خدودها ضحكتها صوتها ملامحها صفاوه بشرتها روحها ...بمجرد ما تكون في المكان اللي هو فيه يحس بشي ثاني ...آآه يا نوف ! عيونها بتذبحني ! قاسيه طيبه ظالمه وحساسه !"
حس بالرعشه بجسمه بمجرد التفكير فيها ..
طلع من المكتب يبي ينساها يمكن ينساها ! يمكن تكون نزوه! بس هو عمره ما حب عمره ما حس بشي باتجاه اي بنت ...البنات هم اللي دايم يلاحقوه لدرجه انه كره جنس البنات
ركب سيارته وجلس يلف بالشوارع...
لكنه ماكان يشوف شي قدامه كان يطالع الشارع ..لكن ما يطالعه كان يطالع شريط يمر براسه كل شي بينه وبين نوف
يتذكرها اول مره شافها من حوالي 7 سنوات كانت راجعه مع شروق أيام الاختبارت وجايه تدرس معاها كانت مره مستحيه تمر من عنده ...
تذكر لمن سمع عن ابوها ومن المرض اللي كان يعانيه كان يعاني من المرض الشين "السرطان" حزن لحالها ..كانت نوف تخفي مرض ابوها عن الناس ما كانت تبي الناس يعاملوها بشفقه ...
تذكر لمن كانت في اول ثانوي وزاد المرض على ابوها وسافر هو وامها واختها عشان يتعالج بالمانيا ..اما هي جت ونامت عند شروق شهر ونص
تذكر اليوم اللي ماراح يقدر ينساه
(كان توه راجع من الاستراحه من عند الشباب على الساعه 3 ونص الفجر اول ما جا بيدخل غرفته سمع صوت انين وصوت بكي يقطع القلب يصدر من غرفه شروق
دخل من دون ما يطق الباب كانت الغرفه مظلمه وكل ما قرب كل ما سمع الصوت اكثر واكثر كان الصوت صوت بكي انسانه عانت طول عمرها كان صوت انسانه كابته الحزن بصدرها
قرب ثامر منها وعرف انها نوف
ثامر ماهو عارف ايش يقول كان قلبه يتقطع ميه مره على حالها
ثامر :نوف!
نوف لفت عليه بسرعه
ثامر:ليش تبكين !
نوف تمسح دموعها وبصوت كله بحه:ما ابكي
ثامر:كل هالدموع وما تبكين...وينها شروق؟!زعلتك؟
نوف:لا لا شوشو مو هنا راحت لزواج..ااام ام "وصارت تبكي"
قرب منها ثامر وحضنها كانت تتمنى وتدور على حضن دافي من زمان ...لكنها ما لقت ...ما لقت الا ثــامر ما لقت الا حضن ثامر الدافي بجنبها !! قربت منه وحضنته باقوي ما تملك وصارت تبكي صارت تطلع كل اللي بقلبها "
نوف وهي تبكي بكي يقطع القلب :آآآآآآآآآآآآآآآآآآآآآآآه آآآآآآآآآآآآآآآآآآآه وبصوت بحات وصوت انين با ..با با ...با با يا ثامر ...تبكي ...بابا
ثامر وقلبه متقطع عليها:نوفه لا تبكين ابوكي انشالله يرجعلكم بالسلامه
نوف تبكي : آآآآآه آآآآآآآآه لا لا لا ما حيرجع حبيب حبيبي أنا ما حيرجع...الغــالي ما حيرجع آآآآآآآآه ليش ....ليش ليش..ابوي ا ا انا !!آآآآآآآآه أبوي ما حيرجع ...بابا راح وما حيرجع ....تعرف ايش يعني ما حيرجع !! يعني بيموت...ما حبوسه !!ما راح احظنه!!ماراح يكون في بابا ....آآآآآه يا بوي آآآ يا بوي لا تروح لا تروح .....ابوي احبك ابوي احبك لا تخليني ...لا تخليني ....ربي ربي ارجوك الا ابوي ....
ترص على ثياب ثامر ثوبه امتلى دموووع حضنها اكثر
ثامر: حبيبتي نوفه لا تبكين ...انشالله ربي ماراح يكتب الا اللي فيه الخير
نوف:ثامر...ثامر لا تخليني ...لا تخليني انت كمان
ثامر: ما حخليك
وصار يمسح على شعرها الين تهدي وبعدها نامت على حضنه باسها على راسها وحطها على السرير وطلع من الغرفه
وبعد هالموقف بيوم توفى والد نوف الله يرحمه ويسكن روحه الجنه ...)
قطع عليه صوت الجوال وهو في السياره من رقم غريب
رد وصوته في بحه:الو
البنت بدلع:الو
ثامر من دون نفس:مين!
البنت:يو يو شوي شوي علي ..انت اللي مين!
ثامر:انتي اللي داقه..مين بغيتي
البنت مممم: مو هذا جوال ثامر؟
ثامر: اي نعم انا ثامر...مين معاي؟!
البنت بصوت دلع: معاك رغد
ثامر: اي رغد!! انا ما اعرف وحده بهالأسم!
رغد:تيب كم وحده تعرفها...
ثامر: انتي الحين ...وش تبين بالضبط!
رغد بوقاحه:ابيك
ثامر مره منصدم من وقاحه ورخاصه هالبنت :سافله ومنحطه ...
رغد:تؤ تؤ بدينا بالغلت
ثامر: علم يوصلك ويتعداك ..ان شفتك داقه على هالرقم مره ثانيه ما تلومين الا نفسك ...وانتي تعرفين مين تحاكين
رغد خافت بالمره:يوه انت ليش كذا يعني عشانك حلو وولد فلوس تتغلى !
ثامر:ولد الناس و الفلوس ما يطالعك يالوصخه
وسكر السماعه في وجهها
ثامر بقرف: صدق بنات ما يستحون
.................................................. ..........................................
في بيت جيجي الساعه 6 المغرب

في غرفتها كانت جالسه تلبس وتتعدل "الاخت بتقابل حبيب الألب "
جيجي تطالع دولاب الملابس وتتأمل ...
جيجي: مممممممممم نوفه ايش البس
نوف كانت تطالع بالمجلات ومنسجمه :يوه يا جيجي لا تكشخي بعدين يحسبك راميه نفسك عليه
جيجي: يعني اروح بلبس البيت !
نوف:هههه جيجي حياتي ايش فيكي البسي عادي
جيجي مره محتاره وقاعده على اعصابها وقلبها يدق بسرعه:ياربي احر ما عندي ابرد ما عندك !
نوف:طيب ايش اسويلك يعني !
جيجي:تحمسي معايه ...يا بردك يا شيخه ! فينها شوشو هدي كمان !
في هالوقت دخلت شوشو الغرفه بسرعه
شوشو: ايش فيها شوشو!! سمعتكم تحشون فيني
جيجي راحت تبوسها وتسلم عليها : الله جابك يابت ..وحشتيني
شوشو تغمزلها :آآآآ علينا ...توك تحشين فيا
جيجي: ابد والله بس استناك تجين تتحمسين معايه احسن من هالزفته البارده اللي بتطالع في المجلات "وترمي المخده على نوف"
نوف ترجع ترمي المخده عليها : والله ما الزفت الا انتي يالبطيخه
شوشو تتوجه لنوف تسلم عليها :ههههههه حلوه حلوه البطيخه!
نوف قامت تبوس شوشو: كيفك يا قمر البنات اشتقتلك!
شوشو بزت بالمره: احم احم ايش فيكم اليوم علي ميتين فيني !
نوف :هههههه نحبك ايش نسوي !
جيجي كانت واقفه قدام الدولاب محتاره : شوشو تعالي ساعديني اختاري معايه ايش البس!
شوشو تنط فوق السرير: ليش فين حنروح!
نوف تنط فوق السرير معاها:بنروح لفيصل
شوشو متفاجأه :مين فيصل؟
نوف:ليش انتي ما تدرين !
شوشو مفجوعه بالمره: عن ايش!
وحكتلها نوف كل السالفه
شوشو مصدومه :امـــــــــانه!
وتطالع جيجي المستحيه
شوشو : هي انتي ليش ما تقولين لنا اول باول ّّ!! موحنا خواتك؟
جيجي تعاتب: والله خواتي بيجتمعوا دايما مع بعض ولا بيعزموني
شوشو ونوف يطالعون بعض : حنا متى اجتمعنا بدونك!
جيجي تحرك حواجبها وتحط يدها على خصرها : واللي امس ايش كان!!
شوشو :ههههه انا امس ما عزمت نوف ....ههههه هي اللي عزمت نفسها
نوف طيرت عيونها: الحين انا اللي عزمت نفسي !! والا اخوكي ثامر
شوشو: ايوا صح اخوي
نوف: وبعدين لو ما اخذتي سواقي كان ما رجعت لبيتكم "وطلعت لسانها "
شوشو حطت يدها على صدرها وشهقت : ما قلتلكم
نوف وجيجي: ايش !
شوشو :تخيلو مين شفت امس بالسوبر ماركت!
نوف وجيجي بنفس الوقت: مين!
شوشو:فهد
نوف وجيجي :فهد!!
وحكتلهم شوشو عن السالفه
نوف مره منقهره انه فهد قال عنها زفته: الحين انا زفته!
شوشو:ههههههه وما همك الا هالكلمه
جيجي تطالع الساعه : بنات تأخرنا يالله بليز
شوشو :يالله حنا لابسين انتي البسي
جيجي:طيب ايش البس
قامت شوشو تساعدها عشان تختار طلعت لها برمودا جينز عليه شويه ستراس pink وبودي pink ينربط على الرقبه
وحطت لها بلش بنك وكونسيلير تحت عيونها ابرز جمال عيونها العسليه وماسكرا واخذت لها شنطه pink منcaoch وكعب جينز من لويس فيتون ولبست عبايتها الشبه عاريه وطالعت نفسها بالمرايه طالعه جنان مع لون بشرتها
جيجي: بنات احط جلوس وردي
نوف وشوشو: لا كذا احلى
جيجي محتاره مره تطالع شكلها بالمرايه ومو عاجبها :بنات حلو شكلي ؟!
شوشو : خذي نفس ..حبيتي ...طالعه تجننين
نوف:قمر بسم الله عليك
جيجي: اوكي يالله
كلمت شريف وقالت له يطلع سيارتها
جيجي: بنات ايش رايكم اقول لليزا تجي معانا ؟!
نوف: لا لا لا انتي مجنونه ! يمكن تعلم عليكي امك
جيجي: امممم طيب انتي عادي تطلعي من دون مربيه!
نوف: ايوا عادي ..
جيجي تلتفت لشوشو: وانتي يا شوشو ...اهلك يرضو !
شوشو:هههه لا ما يرضو ...بس ايش بيعرفهم!
جيجي: ههههه اوكي يالله
طلعوا من الفيلا وتوجهوا للسياره
.................................................. ..................................

يسلمواااااااااا..

بأنتظااااااااااار البااااااااااارت الجديد ..

تحياتي.. Cool