((على حافة الهاويه))الجزء السابع...................

وهذا هو الجزء

الجزء السابع
وفي مكان ثاني في قصر الدكتور سلمان بن عبدالله

وفي الحديقه الخارجيه للقصر وعلى المسبح تحديدا كانت جالسه تسبح كانت يوميا بهالشكل السباحه هوايه من هواياتها
طلعت من المسبح ولفت الفوطه على خصرها
توجهلها شوريز ويحمل لها عصير البرتقال والآيس كريم اللي طلبته
جيجي وهي متمدده على الكرسي :thank you shorez
شوريز : you welcome jeje
لبست نظارتها وجففت نفسها بالفوطه واخذت تحط تان على جسمها
كان لونها مع البكيني الفوشيا روعه
اخذت الريموت حق ال sound systemعشان تطول على الأغاني
كانت الأغنيه أغنيه صدفه ليارا

"صدفه"
صدفه ومن بين كل الناس علقني من يوم شفته وعيني جت في عينه
حسيت شي بعيونه حيل يجذبني لم ابتسم لي بانت بوجهي تلاوينه
سلم علي وجلس جمبي وكلمني كل الحاوجز تلاشت بيني وبينه
اخذ يديني بيديه وقام يوصفني ولا تمنيت يديني تترك يدينه
قالي كلام بصراحه حلو دوخني ما قد سمعت بحلاته آه يا زينه
معاه احس الاغاني عنه وعني واجمل اغاني الغزل شعري وتلحينه

جيجي :صدفه ومن بين كل الناس علقني من يوم شفته وعيني جت في عينه حسيت شي بعيونه حيل يجذبني لم ابتسم لي بانت بوجهي تلاوينه
فجأه في أحد وطا عالصوت
جيجي التفتت تبي تشوف مين اللي وطا عالصوت
جيجي والابتسامه شاقه وجهها :خلود!
خالد يطالع جيجي والابتسامه شاقه وجهه هو الثاني فتح يديه عشان يعطي جيجي مجال انها تحظنه
لكن جيجي راحت تركض له وطبت عليه طبعا بالتان
خالد وهو يتراجع على ورا مستثقل جيجي : آه آه شوي شوي عليه يالدوبا كل هادا شوق !! اصبري لا تاكليني
جيجي وهو لسى شايلها وتظربه بخفه على راسه : أسكت يا حمار
فك خالد يده من على جيجي فجأه وجيجي طاحت على الأرض بخفه
جيجي:آآي كدا تعامل الحلوات يا جبان
خالد : ههه يا دوبا وصختيني شوفي ايش عملتي !! "ويأشر على التي شيرت حقه "
جيجي: تستاهل مين قلك تفتح ايدك تبي تحضني!
خالد يلف يمين ويسار :بتسبحي لحالك!
جيجي: شوفت عينك !هدا حالي كل يوم
خالد: طيب وينو مصعب ما يسبح معاكي؟!
جيجي:ما ادري عنو ...مو هو صاحبك؟!
خالد حب ينرفزها : لا يا شيخه..!! طيب مو هوّ اخوكي؟!
مشت عنه وراحت بجهه المسبح اتسلقت النقيزه حقت المسبح اللي العاليه وطبت منها بخفه
خالد منبهر منها مع انها ما اشتركت بنادي ولا شي الا انها بارعه في السباحه
جيجي وهي في تسبح :ايش فيك تطالع؟!
خالد: والله يا جيجي بقولك حاجه بس لا يكبر راسك!
جيجي تضحك : هههه ايش هيّ!
خالد: انتي بطله !
جيجي: ههههه يؤ! ليش؟
خالد: لو تجيبي 1000 رجال ما يسبح مثلك
جيجي: لا عاد مو لهالدرجه !
خالد : وربي
قربت منه جيجي
جيجي: خالد تعال بحكيلك حاجه
قرب لها خالد
اخذت جيجي ترشه بالمويه
جيجي: هههههههههههه
خالد : يا كلبه هههه كيف اطلع انا والشباب دحينه !
جيجي: ههههههههه لا تتكلم حجازي ترى ما يلبق لك
خالد يتريق وبالهجه النجديه: ههههه اجل راح اتكلم نجدي لعيونتس
جيجي : مو كدا عاد اتكلم زي ما صاحباتي بيتكلمو
خالد:ههههه لا انا اتعودت معاكي ومع مصعب اتكلم حجازي
جيجي:ليش؟!
خالد: كدا لا ارادي
جيجي : طيب واصحابك الثانين
خالد:ههههه التانين مو الثانين
جيجي : ههههه انا كذا ابغا احكي نجدي
خالد:مثلا اذا قابلت فيصل ! احكي معاه نجدي عادي ...وحتى مصعب اكثر كلامه معاي نجدي بس ما ادري ليش اتكلم معاه حجازي وخصوصا اذا شفتك
جيجي دق قلبها لمن قال فيصل :ايوا ..ومين هادا فيصل؟ اول مره اسمعك تحكيلي عنو ؟!
خالد :فيصل بن عبدالعزيز ! هذا كان صاحبنا انا ومصعب ايام الثانويه ولمن تخرج من الثانوي سافر لكندا وتخرج من هناك
جيجي: اها مشالله .... وحلو ؟!
خالد :هههههه هذا اللي يهمكم انتم البنات !؟
جيجي وهي تضحك :هههههه جاوبني طيب؟!
خالد : وانا وش يدريني ما دققت بملامحه زين
جيجي :مو تقول صاحبك من الثانوي ؟؟
خالد:هههه طيب ابخطبه انا عشان ادقق فيه ! عادي رجال عادي؟!!
جيجي:هههههه هههههه
خالد :وبعدين i'm not gay !!
جيجي :هههههههه وانا ما قلت كدا ! يعني مثلا لو بقول والله هيفا وهبي حلوه اطلع شاذه ؟!!
خالد: انتو البنات غير
جيجي: طيب تعال اسبح
خالد : اتهقين !
جيجي ما استوعبت ايش يقول : ها...ايش؟
خالد ضحك لانها ما فهمته :ههههه مو تقولين لي احكي نجدي
جيجي :والله حبيبي انا صاحباتي ما يحكون زيك!! لغتك غريبه !
خالد: ههههه شفتي اجل مره تانيه مو تتفلسفين علي وتقولي احكي نجدي يا خالد>>>>يقلد صوتها
جيجي :هههههه اوكي يالله بس تعال
.................................................. .......

وعند شروق كانو الخدم يجهزون الجلسات الخارجيه في الحديقه عشان يقعدون فيها و يشوون كانت هذي فكره شروق اللي حبتها نوره
وبعد ما جلس ابو ثامر وام ثامر وشروق في الحديقه
كان ابو ثامر جالس يقرا الجرايد وام ثامر تصب الشاهي
اما شروق كانت تفكر تبي تفتح موضوع مع اهلها لكنها ما هي عارفه كيف ! تدور موضوع تبي تبين جديه وتتحمل المسؤوليه لكن ما هي عارفه ايش هي المواضيع اللي تشد وتلفت انتباه ابوها
شروق : بابا
ابراهيم من ورا الجريده : همممم
شروق: بابا تسمعني ؟!
ابراهيم من ورا الجريده : ايوا
شروق اتنرفزت : طيب طالعني
ابراهيم يعدل جلسته ويطالعها : سمي امري تدللي عيون بابا انتي !
شروق : اممممم راح نسافر الصيف؟!
ابراهيم يرجع للجريده : اكيد ما يبغالها كلام
شروق حست موضوعها من جد بايخ " جد انا سخيفه ما الومه اذا معطيني على قد عقلي !! امممم طيب ايش افاتحه فيه ؟!"
شروق: طيب وين حنروح؟
ابراهيم: انتي وين تبين ؟!
شروق: اممممم لا تقول لندن طفشت منها
ابراهيم:طيب قولي عطينا رايك!
شروق: امممم ما ادري بشوف وين صاحباتي حيروحون واقولك
ابراهيم يبتسم : اوكي بابا انتي بس عطيني خبر
شروق : طيب بابا
ابراهيم من ورا الجريده:همممم
شروق: انا قررت اسجل الترم الجاي
ابراهيم من ورا الجريده : وين تسجلين فيه !
شروق: في الجامعه ! يعني وين!
ابراهيم عدل من جلسته ولف لبنته وكانه مو مصدق: من جدك تحكين !
شروق انبسطت مره انها لفتت انتباه ابوها : اي اكيد
ابراهيم: طيب وش قررتي تدخلين
شروق : اممممم ما ادري والله بس اكيد يا سلطان يا اليمامه ما في غيرهم
ابراهيم :كفو
نوره: طيب اي قسم بتدخلين
شوشو: ممممم ما ادري
نوره: ما في شي في بالك!؟
شوشو: الا يا هندسه ديكور او انجليزي
نوره: ونوف ما قررت تدخل ؟
شوشو: ما ادري عنها
نوره: بصراحه اشطركم جيجي ...استغلت وقتها وما ظيعت سنه من عمرها
شوشو تتميلح: عادي انا قدامي العمر كله
في هالوقت دخلت سيارة ثامر من بوابه القصر وكانت نوف موجوده معاه في السياره
نوره: هذا ثامر جا
شوشو فرحانه : ياي نوف جت معاه !!

((في سياره ثامر))

نوف : ثامر ما كان له داعي اجي !
ثامر: نوف ايش هالكلام انتي وحده منا وفينا
نوف: لا بس يعني اليوم انتم مجتمعين كعائله ...انا ايش يدخلني !
مسك يدها وقال :ترى كذا بقول لماما وهي بتزعل منك!
نوف:اوك خلاص بنزل

نزل ثامر ونزلت وراه نوف وتوجههوا للحديقه المقابله لهم

ثامر بابتسامه:السلام عليكم.. اشوفكم بتشوون !!
الكل :وعليك السلام
نوره: هذي فكره شروق حبيبتي
ثامر:والله ماراح يودينا في داهيه الا شوش وافكارها
شروق: هيـــ !! بابا شوفه !!
ابو ثامر: ما عليك منه يا بابا هذا بس يغار منك" ويوجه نظراته لثامر"
ثامر: لا لا انا اشك ان هالبنت ساحرتكم ! والا انا اغار من هذي "ويأشر على شروق من فوق لتحت "
شوشو تطالعه من فوق لتحت : عشتوا
في هالوقت جت نوف
نوف : السلام عليكم
الكل وعليكم السلام
توجهت لابو ثامر وحبته على راسه
نوف : كيفك عمي؟!
ابو ثامر : بخير يا بنتي انتي كيفك ؟! واخبار الوالده وعمك عبدالعزيز وسلمان!! طيبين !
نوف بابتسامه: الحمدلله كلهم بخير يسلمون عليك
ابو ثامر:الله يسلمهم
ثامر كان في هالوقت يطالع نوف ويبتسم يطالعها وهي خجلانه ويفرح ...لكن ما يدري ليش !!؟
توجهت لام ثامر وحبتها على راسها
نوره: هلا والله بنوفه نورتينا حبيبتي
ثامر: شفتي يمه نوف وش تقول
نوره: وش تقول؟
نوف كانت تطالع عيون ثامر بتهديد ما تبيه يحرجها زياده وهو طالعها
ثامر بابتسامه :اقول!
نوف بارتباك: ايش تقول اصلا انا ما قلت شي!؟
ثامر بنص عين : واللي قبل شويه بالسياره ايش كان !
نوف: ها لا اي عادي ما قلت شي!؟!
ثامر مستانس عليها
شروق اتحمست
شروق: يالله ثامر اتكلم
نوره تضحك : ههه ايش صار بينكم؟
شروق تطالع نوف : يا حرم ثامر ..
نوف طالعه شروق " يالله يا شوش من جد مالي خلقك"
ثامر: هههههههه خلاص نوف انا بقول
نوف اتشجعت لانها تبغا تبعد الموقف المحرج عنها
نوف: لا خالتي بس كل السالفه اني كنت مستحيه انزل و قلت يعني بثقل عليكم وكذا
نوره ظربت بايدها على صدرها :نوف ايش هالكلام ترى وربي ازعل عليك ...
نوف احمرت خدودها : لا خالتي ما اقصد بس يعني اليوم شوشو قالت لي انو familyday
ابو ثامر: نوفه انتي مثل بنتي وغلاتك من غلاه شروق بنتي ...والبيت بيتك يا حبيبتي لا تفكرين بهالكلام مره ثانيه
شوشو بهبال : اذا ما شالتك الارض تشيلك عيوني
وقضوا اليوم كله بضحك وهبال شروق
.................................................. .............................
عند جيجي الساعه وحده بالليل
كانت قاعده على اللاب توب تقرى روايه على النت باسم( أنتي لي)
وهي مره متحمسه في الروايه دق موبايلها
جيجي من دون ما تطالع شاشه الجوال : الو
فيصل: مساء الخير
جيجي لا حظت الصوت وعرفت انه صوت فيصل طالعت الشاشه مره ثانيه تبي تتأكد وتأكدت انه هو
فيصل : الو
جيجي : ها هلا مساء الخير
فيصل: كيفك اختي انشالله طيبه؟!
جيجي: الحمدلله بخير
فيصل: لا يكون ازعجتك او شي
جيجي قامت من مكانها : لا لا عادي لا ازعاج ولا شي
فيصل حب يغايظها :اوكي اختي انتي ...الحين المحفظه ايش اسوي فيها
جيجي: امممم تعطينياها اكيد
فيصل بابتسامه نصر:طيب كيف ووين
جيجي تلعب باعصابه وعامله ثقل: خلاص بكره ادق عليك واتفق معاك وارسل لك السواق يجي ياخذها منك
فيصل: لا لا ايش سواق !؟
جيجي: اجل؟
فيصل انتبه على عمره: اممم يعني انتي مأمنه السواق ؟! " يطالع المحفظه اللي بيده " يعني مشالله المحفظه مليانه؟!
جيجي "صح عليه والله ينخاف من شريف!" : امممم طيب خلاص اوكي بنكره نتقابل في مول ايش قلت؟!
فيصل:اوكي ليش لا
جيجي: اوكي خلاص اتفقنا بكره انا ادق عليك
فيصل: ماشي يا ست جيجي
جيجي ارتبكت لمن قال اسمها الفضول ذابحها تبي تعرف كيف يعرف اسمها !!
جيجي: فيصل
فيصل"زادت دقات قلبه بشكل ملحوظ يا حلو اسمي على لسانها "
جيجي : الو انت معاي؟
فيصل: ايوا ايوا معاك
جيجي منحرجه : امممم ممكن تقولي كيف عرفت اسمي ؟!
فيصل ضحك عليها : مو انتي مشهوره!
جيجي دق قلبها لا يكون بس سمع عني شي من هنا والا من هنا !؟
جيجي: كيف يعني؟!
فيصل خاف من رده فعلها اذا عرفت انه شاف صورتها:مممم من الصوره اللي الي في المحفظه؟!
جيجي تضحك وتذكرت الصوره: ههههههه صورتي؟!
فيصل مع كل ضحكه تضحكها جيجي كانت دقات قلبه تزيد وتزيد
جيجي لمن تذكرت الصوره جاها احباط لانو شكلها ما كان عاجبها مره:بس والله صورتي مو حلوه تفشل
فيصل من دون ما يحس : لا بالعكس... جنان
جيجي دقات قلبها خلاص عاليه وصلت للسما " أنا جنان أنا....وااايــ يا بــختي "

فيصل ارتبك لا حظ كلمته اللي قالها " شويه عليك يا جيجي جنان شويه !!"

الاثنيـــــن صمت تــــام كل واحد يسمع دقات قلب الثاني

جيجي تقطع الصمت : أأأ انا خلاص بقفل الحين أكلمك بكره ...باي
وسكرت منه من دون ما تسمع منه كلمه باي او مع السلامه

جيجي تحط يدها اليمين مكان قلبها " وااااي يا قلبي ايش فيك !! تسمع صوت قلبها واضح كانه بيطلع من مكانه "
جيجي: أنا ايش فيني !! ليش كذا ...وش صار فيني
حطت ايدها على راسها وكانها تبي تشيله من بالها
جيجي: ليش افكر فيه ليش !!
.................................................. ....................

يسلمواااا..

بأنتظاار البااااااارت الجديد ..

تحياتي..