داخل العزيزيه
نوف: يالله وينها هذي ؟!
ثامر:نوف يا قلبي انسي ليش شايله همها !! شوشو كبيره مو صغيره !!
نوف" ما سمعت كل الكلام اللي قاله ثامر بس لقطت كلمه قلبي !! لا لا مو معقوله انا قلبه! اكيد يستهبل والا جت كذا!!
اذا انا قلبك يا ثامر ...فأبيك تعرف انك قلبي وعمري وعيوني وحياتي آآآآه انا شكلي بيغمى علي اليوم ! ابدا ما توقعت اشوفك اليوم !! ومو بس اشوفك ! اصبح عليك واقعد معاك( طالعت الساعه اللي بيدها )ساعه ونص وانا معاك ! صدقني احلى لحظات عمري !مسكت قلبها عرفت ان كل نبضه ينبضها قلبها تقول ثـــــــــــامر!
يؤ لهالدرجه انا أحبهّ!! لا لا انا ماني مستوعبه انه الحين قدامي ! قدام عيوني ..
ليته يعرف باللي بقلبي ليته يشاركني فيه!
ثامر بنظرات شك: نوف فيك شي؟!
نوف: ها ايش لا اي لا ما فيني !!
ثامر: هههه طيب وش فيك تطالعين فيني وتضحكين!
نوف :لا بس تذكرت شي يضحك؟
ثامر: افا طيب قوليلي؟!
نوف:بعدين اقولك
ثامر: انتي وشوشو مدري وش فيكم ! تطالعون فيني وتضحكون ! لهالدرجه شكلي يضحك؟!
نوف: شوشو كمان تطالع فيك؟! ليش؟
ثامر: تقولي تتخيل زوجها يطلع زيي !
نوف: هههههه
ثامر :تتريقين !
نوف: وش رديت عليها؟
ثامر بغرور: قلت اذا زوجك بيطلع زيي فيا حظك!
نوف بغرور: وانا اشهد هههه
ثامر يضحك: انتي شايفه نفسك على ايش؟!
نوف تطالعه من فوق لتحت وبغرور : وانت شايف نفسك على ايش؟
ثامر:شف شف نظراتك ما اتحملها
نوف تضحك: مره ثانيه عط كل كلمه الف حساب معي !
ثامر وقف بوجهها : تدرين انا مين!
نوف بلا مبالاه:ثامر
ثامر: لا ثامر بن عبد المحسن اللي كل البنات يتمنون نظره مني
نوف:حبيبي لا تشمل انا مو وحده منهم (ومده لسانها له )
مشت نوف عنه
ثامر:هههههه والله خبله
............................................
في سياره نوف
منصور : هذي حليمه جت
ركب نايف السياره
نايف :شوشو( وحظنها)
شوشو:نيوفي حبيبي وحشتني
نايف : i miss u
شوشو: وانا كمان
ركبت حليمه السياره: سلامو عليكو
شروق: وعليكم السلام
حليمه: آنسه شروء ازي حضرتك؟
شروق: الحمدلله حليمه انتي كيفك؟
حليمه: الحمدو لله
شروق: وين نوف؟
حليمه:ما اعرفشي واللهي هيّ والأستاز ثامر ما شفتهمشي الا لمن دخلو أبل شويه !
شروق:طيب دقي عليها
حليمه:واللهي حضرتك ما معيش رصيد
شروق: ياربي
شروق:منصور..دق على نوف
منصور: سمي طال عمرك
منصور: ما في شبكه!
شروق خلاص ما هي قادره تستحمل اكثر اخلاقها قفلت معها :طيب منصور امش روح وديني لبيتي
منصور: وعمتي نوف!
شروق: نوف مع اخوي ثامر خليها ترجع معاه
منصور: سمي طال عمرك
,,,,,,,,,,,,,,,,,,,,,,,,,,,,,,,,,,,,,,,,