قال:
العمر فاني والمعزه تاج لعزاز النفوس
والهرج فضه والنحاس الضحك والصمت اذهبه
والشعر حرفه سـهــم والمعنى دســـم والقاف قوس
والزند يقدح الشاعر وفكرته احطبه
وراسن لى من بان وسط الروس راسه مايروس
ودك يحد السيف في عنقه وطارف منكبه
والشاعر اللي مامعه نيبان ف الشعر وضروس
ماني محسب حساب شعره كيف يبغاني احسبه
اشعارنا ماهي تغنى ف المسارح والعروس
ولا تجمد في دروج الطاوله والمكتبه
ولا خذينها سلف ولا شرينا بالفلوس
ترقى مراتب مجدنا من مرتبه في مرتبه
ياااازارعــيـن النخل هذا النخل من قبل مغروس
والناس شبعــت من تمر عقه ومن عق ارطبه
حنا سرجنا الخيل مـع اليماني و قبل البسوس
وحنا سكنا العز وامجاده وقصره واقببه
وحنا مقابس الظلاااام وروس من خلقة تــروس
ونقصد دقن من طار راسه في حمانا واشنبه
وياللي حلبت الناقه الجربه ودكيت النحوس
هذا لبن ناقتك ياتنثر ولا تشربه
خلها في قومً همها ف الزاد وكبار التيوس
جذابةً ف العاليات مابه مسلمً ماتسلبه
عسوالها في حارتً مابين حارس ومحروس
احدن معين مطلبه واحدن ما عين مطلبه
تضحك مع الوجه البشوش وتسفه الوجه العبوس
وتشوت كورتها على قوله وحارس ملعبه
تضحك عليهم لين راحوا في وقوف وفي جلوس
ذيـبـه لى جات الذيابه والثعلب ثعلبه
وأنا عقب علم الموصي والمدقق والعسوس
عرفت ملة راعي الوجهين واعرف مذهبه
وراسن لى من بان وسط الروس راسه مايروس
ودك يحد الموس في خشمه ودقنه واشنبه.
وسلامت عيونكم.